Flash News

Goditet me gotë qelqi e reja në Korçë që denigronte minorenet në Instagram

Akuzat për dënim në Greqi: Prokuroria thotë se po e verifikon prej 1 viti rastin “Gjoka”

27-vjeçari i dehur në timon përplas policin në Peshkopi

SPAK ngre tjetër akuzë ndaj Ajola Xoxës, do të hetohet edhe për fshehje të ardhurash

Zhduket i riu në Tiranë

KRYESORE

Karafili i thatë, një nga erëzat me vlera të larta kurative

Politiko 10 Tetor 2018, 16:08
Karafili i thatë, një nga erëzat me vlera të larta kurative

Karafili ka formën karakteristike të gozhdës, me ngjyrë kafe dhe me qëndrueshmëri të mirë. Ju mund ta përdorni të plotë ose të copëtuar. Karafili është nxjerrë nga një bimë tropikale e familjes Myrtaceae, Eugenia caryophyllata, me origjinë nga ishujt Molukan, e cila arrin një lartësi  10-15 metra dhe degët e saj trajtohen dhe thahen për të marrë ketë erëz.

Në kuzhinë, karafili është përdorur kryesisht në gatimin e ëmbëlsirave të ndryshme e të shumëllojshme, në mishrat e zier, në disa salca, në marinimin e mishit të drerit, për mishin e pjekur, për supa (sidomos pule) dhe ndonjëherë me djathin e stazhionuar. Me karafil shkojnë mirë edhe disa perime të ëmbla, të tilla si qepa apo karota. Në perëndim ai përdoret shpesh për t’i dhënë shije çajrave bimorë.

Jashtë kuzhinës ai gjen hapësira të gjera edhe në kozmetikë, parfumeri dhe si deodorant për ambientet e jashtme.

Kundër insekteve dhe erës së mykut në dollapë.

Karafila të futur në një mollë ose në një portokall janë përdorur si një alternativë për të mbytur kimikatet dhe insektet si edhe në dollapë për të hequr erën e mykut nga veshjet dhe rrobat pak të përdorura.

Gjejnë përdorim edhe kundër fluturave. Mbani në qilarin tuaj, në një tas, karafila për të mbajtur larg fluturat që shpesh arrijnë të pushtojnë të gjithë ushqimet.

Karafili ka veti anesteziake për anestezi të forta lokale, aq shumë sa që është përdorur për të qetësuar dhimbjen e dhëmbëve të prishur. Vendosni një karafil në zgavrën e një dhëmbi të prishur dhe do të shikoni që do ju qetësojë dhimbjen.

Lehtëson dhimbjen e kokës duke stimuluar qarkullimin e gjakut si dhe ndihmon pacientët që vuajnë nga zemra.

Të fundit