Pyetjet që gozhdojnë rilindjen, pse qepën gojën Spiropali dhe Manja?

Nga Hysni Gurra

Nga të rrallat përballje, me gazetarë se me kundërshtarin politik nuk guxojnë as Rama, as skuadra e tij e plaçkitësve, ministri i qeverisë dhe kryeparlamentarja mbyllën gojën para dy pyetjeve shumë të thjeshta:

Pse në Shqipëri është çdo gjë më shtrenjtë, krahasuar me vendet e rajonit dhe Evropës dhe….

Nga 1 trilionë lekë të shpenzuar për investime këto 12 vite, na tregoni veprat që keni bërë, ndërkohë që në 8 vite të Berishës u investua gjysma e kësaj shume dhe veprat janë aty, duken…

Dhe dërrmues ishte konstatimi i gazetares ndaj dy përfaqësuesve të bandës së plaçkitësve (Manja - Spiropali) kur u kujtoi se, “sot në market me 20 mijë lekë nuk blen asgjë”.

Përgjigjet e dy prej përfaqësuesve të bandës së plaçkitësve të shqiptarëve ndaj këtyre pyetjeve të thjeshta dhe konstatimeve dëshmuan divorcin me realitetin të një klike që nuk e di çdo të thotë të jetosh si pensionist në Shqipëri, që as e mendojnë se si një familje e re do të ngrejë jetën në vend dhe as që duan t’ia dinë për koston e papërballueshme të jetesës për 99% të popullsisë.

Imagjinoni këtë bandë po të pranonte debat dhe përballje televizive me përfaqësuesit PD.

Futuni shihni diskutimin në ‘opinion’ të Spiropalit dhe Ulsi Manjës, lëreni politikën mënjanë, dëgjojeni dhe do kuptoni pse ata nuk përballen në debat.

Ata nuk duan t’ia dinë se ju si pensionistë nuk keni para të blini ilaçe.

Ata nuk duan t’ia dinë se ju si pensionistë nuk keni para të ushqeheni mirë.

Ata nuk duan t’ia dinë se juve nuk ju shkon mendja kurrë, pasi s’keni para, të pushoni 10 ditë në bregdet apo llixha për reumatizmin.

Ata nuk duan t’ia dinë se një çift i ri nuk ka shanse të ketë një shtëpi.

Ata nuk duan t’ia dinë se një çift i ri nuk mund të mendojë të kenë fëmijë sepse nuk përballojnë dot shpenzimet dhe rritjen e tyre me dinjitet.

Ata nuk duan t’ia dinë se një fermer rropatet natë ditë në ara dhe në fund nuk përfiton asgjë.

Ata nuk duan t’ia dinê se cilësia e arsimit në Shqipëri ka rënë në minimum, sepse ata duan shoqëri injorante që ta vjedhin e ta rrjepin e të dëgjojnë përrallat e tyre në media e rrjetet sociale.

Dëgjojini vetë dhe do ta kuptoni se ata nuk duan t’ia dinë për ju. Nuk ju bëhet vonë për ju. Nuk ju kanë në llogari fare për njerëz e as pyesin për dinjitetin tuaj.