Flash News

Goditet me gotë qelqi e reja në Korçë që denigronte minorenet në Instagram

Akuzat për dënim në Greqi: Prokuroria thotë se po e verifikon prej 1 viti rastin “Gjoka”

27-vjeçari i dehur në timon përplas policin në Peshkopi

SPAK ngre tjetër akuzë ndaj Ajola Xoxës, do të hetohet edhe për fshehje të ardhurash

Zhduket i riu në Tiranë

Ditari i Opozitës

Berisha: Rama e njeh Dibrën aq sa e njihte Toni Gogu, Hajredin Pashën

Politiko 5 Maj 2025, 21:01

Berisha: Rama e njeh Dibrën aq sa e njihte Toni Gogu, Hajredin Pashën

Kreu i Partisë Demokratike Sali Berisha, ishte sonte në mbrëmje në Dibër, ku pasi prezantoi programin, përmendi edhe njëherë fushatën e Ramës me Noizyn, teksa e shpreh se ai krenohet me luksin dhe urren të varfrit.

Berisha pohoi gjithashtu se Rama nuk e njeh Dibrën, është njësoj si Toni Gogu që fliste për Hajredin Pashën…

“Kam pasur një mik shumë të shquar. Një nga njerëzit më të mençur që kam takuar në jetën time, ish-ministër i shtatë qeverive britanike dhe që e kishte kaluar kohën e luftës në Shqipëri.

Ky njeri kishte njësinë e parë të qëndresës kundër pushtimit nazifashist, kishte bashkuar Abaz Kupin, Sait Kryeziun dhe Lazër Fundon. Ky ishte Xhulian Emeri, biri i një aristokrati të shquar britanik.

Po bisedoja një ditë me të, po i flisja për traditën tonë. Ai vetë kishte mbaruar një prej kolegjeve më të njohura të Kembrixhit. Më thotëL Sali, universiteti më i madh i jetës time ka qenë oda e Dibrës.

Ndaj dhe ua thashë atë, që Edi Rama e njeh Dibrën, si Toni Gogu, Hajredin Pashën. Dhe vjen këtu njëherë me ato terma banale, herën tjetër sjell Lamborghinin e Noizit. Nuk e di Dibrën ai.

Por një moment. Ai nuk e di që burrat e shquar të Dibrës kanë pasur atllarë dhe kuaj që kushtonin sa një Lamborghini.

Ai njeh vetëm xhepin e tij. Do t’ia them këtu. Ai akt ishte një akt cinik. Pse? Sepse Lamborghini është i një këngëtari, të zotit, ta gëzojë. Por ajo tregon krenarinë tënde me luksin. Tregon se ti ke një psikologji, dhe ua them unë ju o miq, ai që ka krenari me luksin, ai urren të varfrit. Ai urren qytetarët. Absolutisht.”

 

Të fundit