Flash News

SPAK ngre tjetër akuzë ndaj Ajola Xoxës, do të hetohet edhe për fshehje të ardhurash

Zhduket i riu në Tiranë

Gjykata e Posaçme lë në qeli Florenc Çapjan, zbardhet dëshmia

Aksident me vdekje në Shkodër

Paraqitet në SPAK Sali Berisha

E-TJERA

“Të gjejnë qoftë edhe një gisht…” I biri u zhduk, babai i 29-vjeçarit mes lotësh: Nuk ka dhimbje më të madhe

Politiko 5 Maj 2025, 13:59

“Të gjejnë qoftë edhe një gisht…” I biri

Mes dhimbjes dhe lotëve, Nerim Beshiri, babai i Ardit Beshirit – 29-vjeçarit që humbi jetën në masivin e kromit në Klos ka bërë një apel të fortë për ndihmë nga shteti. Në një deklaratë për mediat, ai rrëfeu përjetimin e rëndë të humbjes së të birit dhe vuajtjen që po përjeton prej tre ditësh, duke kërkuar me duart e veta trupin e Arditit.

“Kërkoj ndihmë nga shteti për gjetjen e trupit të djalit. Qoftë edhe një gisht, vetëm ta çoj te familja. Nuk ka dhimbje më të madhe se të humbasësh djalin në mal,” u shpreh ai i dërrmuar, duke theksuar se bashkë me familjarët po gërmojnë me lopata në kërkim të trupit të 29-vjeçarit, i cili u përfshi nga një rrëshqitje masive dheu në vendin e punës.

Babai i Arditit kërkon dërgimin e aparaturave të specializuara në vendin e ngjarjes, duke thënë se mjete rrethanore si lopatat nuk mjaftojnë për të zbuluar trupin. “Ka tre ditë që vij me vëllezërit, kërkojmë me lopata. Nuk ka asnjë lloj mjeti. Djali doli në 6 të mëngjesit nga shtëpia, hëngri drekën dhe vazhdoi punën me ekskavator, por e mori baseni para. Kishte 5 vite që punonte me siguracione, me të gjitha.”

Ai i bën thirrje autoriteteve që të ndërhyjnë urgjentisht: “Ju lutem, kërkoj ndihmë! Të di ku të hedh një tufë lule për djalin tim. Kaq mund të them.”

Ngjarja tragjike ka tronditur opinionin publik dhe ka hedhur dritë mbi kushtet e rënda të punës në galeritë e kromit, ku përballja me vdekjen është ende realitet i përditshëm.

 

Të fundit