Flash News

Rama e shpalli "non grata", reagon Ikballe Berisha

E bija iu mbyt bashkë me kushërirën/ Babai: M’u lut që të shkonte në plazh me tezen, hera e parë që e lejoja

PS refuzon kërkesat e protestuesve, rrëzon kërkesën e PD për mocion me debat

60 kursantë të helmuar në Akademinë e Sigurisë, policia jep detaje: Po hetohen, janë marrë mostra nga ushqimi

Detaje nga krimi në Kavajë, si e vrau vëllai-vëllanë për një rrugë

Kosova

​Kosova nuk ftohet në Samitin e NATO-s, Ministria e Mbrojtjes sqaron arsyet

Politiko 25 Qershor 2026, 16:10

​Kosova nuk ftohet në Samitin e NATO-s, Ministria e Mbrojtjes sqaron

Ministria e Mbrojtjes e Kosovës ka reaguar pas raportimeve mbi mungesën e një ftese për Kosovën në Samitin e NATO-s që po mbahet në Turqi, duke sqaruar se vendi nuk merr pjesë në këto samite si shtet pjesëmarrës për shkak të statusit të tij aktual në raport me aleancën.

Në një përgjigje zyrtare, ministria thekson se Kosova nuk është anëtare e NATO-s dhe as pjesë e Programit të Partneritetit për Paqe (PfP), çka e përjashton automatikisht nga pjesëmarrja në samitet e aleancës.

Sipas institucionit, kjo nuk është një situatë e re, pasi Kosova nuk ka marrë pjesë as në samitet e mëparshme të NATO-s si shtet pjesëmarrës. Përjashtime kanë qenë vetëm disa aktivitete të veçanta të organizuara në kuadër të samiteve, si iniciativa “Gratë, Paqja dhe Siguria”, e mbështetur nga Departamenti i Shtetit i SHBA-ve gjatë samitit të vitit të kaluar.

“Samitet e NATO-s janë takime të krerëve të shteteve dhe qeverive të vendeve anëtare, si dhe të partnerëve të ftuar në raste të caktuara”, thuhet në sqarimin e Ministrisë së Mbrojtjes.

Megjithatë, autoritetet kosovare ritheksuan se mbeten të përkushtuara ndaj objektivit strategjik të anëtarësimit në NATO, duke vijuar reformat dhe bashkëpunimin me aleancën dhe vendet anëtare të saj.

Të fundit