Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

KRYESORE

Merr fund arratia e Agim Kajmakut, arrestohet në spitalin privat në Tiranë ish-kreu i bashkisë Vorë

Politiko 7 Korrik 2020, 08:53
Merr fund arratia e Agim Kajmakut, arrestohet në spitalin privat në

Është arrestuar ish-kreu i Bashkisë së Vorës, Agim Kajmaku.

Ish-kryebashkiaku i shpallur në kërkim prej disa muajsh u arrestua në një spital privat në Tiranë.

Kajmaku kishte patur probleme shëndetësore për shkak të diabetit, por kanë qenë mjekët ata që pasi kanë mësuar identitetin e Kajmakut kanë sinjalizuar autoritetet policore, të cilët më pas kanë kryer edhe arrestimin e tij.

Aktualisht, ai ndodhet në drejtorinë e policisë së Tiranës.

"Nga specialistët e Seksionit për Hetimin e Korrupsionit në Drejtorinë Vendore të Policisë Tirane u krye ekzekutimi i urdhrit të prokurorit, për ndalimin e shtetasit në kërkim:

  1. K., 49 vjeç, banues në Tiranë.

Ndalimi i këtij shtetasi u bë pasi Prokuroria e Rrethit Gjyqësor Tirane ka dërguar urdhrin e ekzekutimit të datës 09.11.2019, bazuar në vendimin e Gjykatës së Rrethit Gjyqësor Tiranë, e cila i ka caktuar masën e sigurimit personal “Arrest në burg”, për veprat penale “Falsifikimi i vulave, i stampave ose i formularëve”, “Falsifikimi i dokumenteve zyrtare” dhe “Kryerja e funksionit pas dhënies fund të tij”.

Ekzekutimi i vendimit penal është bërë në ambientet e një spitali privat në Tiranë, ku aktualisht ky shtetas po trajtohet me ndihmë të specializuar mjekësore.

Materialet do t’i kalojnë për ndjekje të mëtejshme Prokurorisë së Rrethit Gjyqësor Tiranë", sqaron policia.

Kajmaku ishte shpallur në kërkim prej nëntorit të vitit 2019, pasi u provua se kishte falsifikuar dokumentet e dekriminalizimit, duke fshehur një dënim në Janinë.

Prokuroria e akuzon Kajmakun për faksifikim formulari e dokumentash si dhe për ushtrim kompetencash tej mandatit.

Ai akuzohet për “Falsifikimi i formularëve”, Shpërdorim detyre”, dhe “Ushtrim i funksioneve pas dhënies fund të detyrës”.

Kujtojmë po ashtu se, Kajmaku u shpall në kërkim nga policia pasi KQZ e shkarkoi nga detyra dhe i hoqi mandatin, megjithatë ai vijoi detyrën e kryebashkiakut duke firmosur shkarkimin e 2 nënkryetarëve të Bashkisë Vorë, Laureta Omerni dhe Hekuran Brahimajn e duke emëruar Gent Picarin për këtë post.

Fillimisht, ishte Partia Demokratike ajo e cila denoncoi kryebashkiakun e dalë nga zgjedhjet e 30 qershorit se ka qenë më parë i arrestuar në Greqi për falsifikim parash, por me identitet tjetër, Jorgo Toto.

Të fundit