Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Paga e ulët, më vdekjeprurëse se alkooli apo obeziteti

Politiko 24 Dhjetor 2018, 17:43
Paga e ulët, më vdekjeprurëse se alkooli apo obeziteti

Profesioni me të ardhura të ulëta është më vdekjeprurës se të qenët mbipeshë ose nëse konsumoni alkool, ka zbuluar një studim i ri.

Ekspertët paralajmërojnë që paga e ulët duhet të konsiderohet nga mjekët si një nga faktorët rrezikues kryesor për vdekjet e parakohshme.

Hulumtuesit shkencorë kanë zbuluar se përballja me varfërinë, ndërkohë që bën një punë të lodhshme, shkurton jetëgjatësinë me 2.1 vjet.

Mungesa e parave është po aq e rrezikshme sa jeta sedentare, e cila bën që njerëzit të vdesin 2.4 vjet më të rinj. Ajo është edhe më vdekjeprurëse se të qenët mbipeshë dhe konsumimi i alkoolit në mënyrë të tepruar, të cilat shkurtojnë jetëgjatësinë me 0.7 dhe 0.5 vjet, përkatësisht.

Hulumtuesit shkencorë monitoruan më shumë se 1.7 milionë të rritur nga 7 shtete të ndryshme, përfshirë edhe Britaninë.

Duhanpirja është më vdekjeprurëse, pasi shkurton jetëgjatësinë mesatarisht 4.8 vjet.

Drejtuesja e kërkimit shkencor, dr. Silvia Stringhini, nga Universiteti Spitalor Lausanne në Zvicër, thotë se qeveria nuk duhet ta përjashtojë nga politikat shëndetësore statusin socio-ekonomik të një personi, duke parë edhe ndikimin e madh që luan ai në shëndet.

Studimi i publikuar tek revista shëndetësore “The Lancet”është i pari që krahasuar ndikimin e varfërisë me rreziqe të tjera shëndetësore, si pasiviteti, diabeti, tensioni i lartë i gjakut dhe konsumimi i alkoolit.

Studimi zbuloi se 4 në 10 meshkuj dhe mbi ¼ e femrave kanë të ardhura të ulëta, dhe futen tek kategoria socio-ekonomike e ulët.

Të fundit