Albin Kurti flet për ‘The Guardian’: Refuzimi i Shqipërisë dhe Maqedonisë së Veriut nga BE dëmton edhe Kosovën

Albin Kurti, kreu i Vetëvendosjes, i cili kryesoi zgjedhjet e parakohshme të 6 tetorit në Kosovë, ka folur për median e njohur britanike ‘The Guardian’, lidhur me vendimin e BE për të mos nisur bisedimet për zgjerim me Shqipërinë dhe Maqedoninë e Veriut.

Ai shprehet se liderët e BE kanë harruar mësimet e dy luftërave botërore dhe tashmë po tërhiqen përballë fashizmit dhe populizmit.

Ai shton se ky vendim, me gjasë mund të dëmtojë edhe Kosovën për arritjen e një marrëveshjeje me Serbinë, e cila refuzon ta njoh pavarësinë e Kosovës.

Po ashtu, ai kritikon presidentin e Francës, ku thotë se “Emmanuel Macron ka këmbëngulur se Evropa duhet të përqendrohet në reformat e saj të brendshme”, shprehet Kurti.