Dita e Viktimave të Stalinizmit dhe Nazizmit, Meta mesazhe të forta: Të çlirohemi nga makthi i rikthimit të çdo forme diktature

Në Ditën Europiane të Kujtimit të Viktimave të Stalinizmit dhe Nazizmit, presidenti Ilir Meta ka dhënë disa mesazhe të forta.

Me një shënim në faqen e tij në Facebook, shoqëruar me foto gjatë vizitave në Kampin e Tepelenës dhe në Burgun e Spaçit, presidenti thekson se “Përballja serioze me të kaluarën, trajtimi i saj me transparencë e drejtësi, uniteti shoqëror, paqja dhe mirëkuptimi social, do të na ndihmojnë, jo vetëm për të mos harruar tragjeditë e së shkuarës por edhe për t’u çliruar nga makthi i rikthimit të çdo forme diktature apo tendence despotike të qeverisjes”.