Flash News

Kosova hap ambasadë në Malajzi

Në fillim i përqeshi si ‘qilima fluturues’ dhe më pas i përvetësoi/ 7 temat dhe premtimet që Edi Rama kopjoi nga Sali Berisha në këtë fushatë

Kthimi i Edi Ramës në fushatën (humbëse) e 2011

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

Ditari i Maxhorancës

Edi Rama nga Amsterdami: Doni a s`doni, ne jemi në kërthizë të Europës

Politiko 3 Korrik 2022, 21:17

Edi Rama nga Amsterdami: Doni a s`doni, ne jemi në kërthizë

Kryeministri i Shqipëri Edi Rama i ftuar në një intervistë në “Balon” në Amsterdam në Hollandë, foli dhe për ngërçin që i është krijuar Shqipërisë ndër vite sa i përket hapjes së negociatave.

I pyetur për këtë çështje, Rama nuk ka kursyer as batutat dhe as krahasimet teksa thotë se shqiptarët, serbët, maqedonasit dhe boshnjakët janë në zemër të Europës, duan apo s`duan të tjerët.

Rama madje i solli një krahasim moderatorit, teksa i tha se ne nuk do funksiononim pa stomak dhe do prekeshim nga infeksionet, duke theksuar se zemra e Europës janë këto shtete, Ballkani.

"Nuk po flas për zëvendësimin e zgjerimit. Zgjerimi do të ndodhë një ditë. Zoti i bekoftë ata që do të jenë gjallë atë kohë. Por, ndërkohë na duhet të jemi të integruar si europianë. Ne nuk jemi pjesë e Bashkimit Europian, por jemi europianë. Dhe kjo nuk mund të vendoset në hartë në Bruksel apo në Paris. Kjo është vendosur nga Zoti i plotfuqishëm që mendoi që njerëzit më të çuditshëm si shqiptarët, serbët, maqedonasit apo boshnjakët duhet të jenë në zemër të Europës. Kështu që doni a s`doni, ne jemi në kërthizë të Europës. Dhe Bashkimi Europian është i vetmi realitet gjeografik - mesa di unë në histori - që ka një kufi të jashtëm dhe një kufi të brendshëm. Imagjinojeni vetën tuaj që keni stomakun jashtë kufirit, ose jashtë cakut të organizmit tuaj. Nuk funksionon, do të kesh infeksione. Nuk mund të ecësh me stomakun në xhep. Stomaku duhet të jetë në vendin e duhur,"- tha Rama.

Të fundit