Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

E-TJERA

50 farmacistë rrezikojnë licencën, ndoqën trajnim të paakredituar dhe mbetën pa kreditet e detyrueshme

Politiko 10 Qershor 2026, 20:59

50 farmacistë rrezikojnë licencën, ndoqën trajnim të

Rreth 50 farmacistë ndodhen përballë rrezikut për t’iu nënshtruar provimit të shtetit, pasi një trajnim që ndoqën në fund të vitit 2025 nuk është njohur me kreditet e premtuara.

Shqetësimi u ngrit në emisionin Fiks Fare nga dy farmaciste, të cilat tregojnë se morën pjesë në një aktivitet katërditor të organizuar nga Shoqata Maya, me pritshmërinë për të përfituar 18 kredite të edukimit në vazhdim.

Sipas rregullave në fuqi, farmacistët duhet të grumbullojnë 75 kredite gjatë një periudhe pesëvjeçare, ndërsa çdo vit duhet të sigurojnë të paktën 5 kredite. Pjesëmarrëset në trajnim shprehen se kanë paguar rreth 4400 lekë  për aktivitetin, por problematika nuk lidhet me pagesën, por me faktin se kreditet nuk janë reflektuar në sistem edhe pas gjashtë muajsh.
Ato tregojnë se kanë kërkuar vazhdimisht informacion nga organizatorët e aktivitetit, por nuk kanë marrë një përgjigje të qartë. Për pasojë, viti 2025 rezulton pa asnjë kredit të regjistruar për pjesëmarrësit, çka mund t’i detyrojë ata t’i nënshtrohen provimit të shtetit në përfundim të ciklit pesëvjeçar.

Për këtë çështje reagoi edhe Urdhri i Farmacistit. Presidenti i tij, Defrim Goma, deklaroi se institucioni është në dijeni të problematikës dhe se farmacistë të shumtë janë ankuar ditët e fundit. Sipas tij, një bord i ngritur pranë Ministrisë së Shëndetësisë ka lënë në fuqi vendimin e Agjencisë së Sigurimit të Cilësisë së Kujdesit Shëndetësor dhe Shoqëror, e cila nuk e ka akredituar aktivitetin në fjalë.

Goma theksoi se organizatorët e aktivitetit kanë qenë në dijeni të këtij vendimi dhe duhet të kishin informuar pjesëmarrësit në kohë. Ai shtoi se raste të tilla sjellin pasoja të drejtpërdrejta për profesionistët e shëndetësisë, të cilët besojnë se kanë plotësuar detyrimet e tyre, por në fund rezultojnë pa kreditet e nevojshme. Sipas tij, po shqyrtohet edhe mundësia e masave ose penaliteteve ndaj shoqatës organizatore.

Nga ana tjetër, kryetari i Shoqatës Maya, Indrit Seferi, deklaroi se nuk është i qartë për arsyet pse aktiviteti nuk është vlerësuar nga agjencia përkatëse. Ai tha se kishte dijeni se aktiviteti ishte vlerësuar me 2 ose 3 pikë dhe jo me zero, ndërsa shtoi se vonesat në komunikimin e institucioneve përgjegjëse kanë krijuar paqartësi për pjesëmarrësit.

Menjëherë pas interesimit të gazetarëve të Fiks Fare, farmacistëve pjesëmarrës u është dërguar një email nga shoqata, ku njoftohen se aktiviteti do të zhvillohet sërish. Megjithatë, kjo zgjidhje nuk i shpëton ata nga pasojat e mundshme, pasi kreditet që mund të fitohen nga aktiviteti i ri do të llogariten për vitin 2026 dhe jo për vitin 2025, periudhë për të cilën ata rezultojnë pa kredite. Top Channel 

Të fundit