Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

Ditari i Opozitës

Tabaku nga Bundestagu: Qeveria po mban peng procesin e integrimit në BE

Politiko 19 Mars 2026, 12:21

Tabaku nga Bundestagu: Qeveria po mban peng procesin e integrimit në BE

Deputetja e Partisë Demokratike, Jorida Tabaku, ka publikuar një video nga ambientet e Bundestagut gjerman, ku prezanton një seri takimesh me deputetë dhe zyrtarë të lartë gjermanë, të fokusuar në procesin e integrimit europian të Shqipërisë.

Në një moment kyç për vendin në rrugën drejt Bashkimit Europian, Tabaku thekson se Gjermania mbetet një nga mbështetësit kryesorë të këtij procesi, por njëkohësisht kërkon standarde të qarta, zbatim real të ligjeve dhe rezultate konkrete në praktikë, jo thjesht miratim formal në letër.

Sipas saj, integrimi europian është i vetmi proces transformues që mund të ndryshojë rrënjësisht Shqipërinë dhe të garantojë ndërtimin e një shteti funksional dhe demokratik.

Në këtë kuadër, ajo nënvizon rolin e opozitës si garantuese e standardeve europiane, duke theksuar se angazhimi i saj nuk është për interesa politike afatshkurtra, por për të ardhmen e vendit dhe qytetarëve shqiptarë.

“Gjermania kërkon standarde, zbatimin e ligjeve dhe jo vetëm miratimin e tyre. Kërkon rezultate jo në letër por edhe në praktikë. Nuk ka asnjë proces tjetër shtetformues që mund ta ndryshojë Shqipërinë përveç integrimit. Opozita është këtu për t’u kujdesur që standartet evropiane janë pjesë e punës së përditshme të Shqipërisë dhe jo retorikë politike.”, theksoi ai.

Tabaku shprehet se shqiptarët presin sot një proces integrimi me rezultate të prekshme, ndërsa paralajmëron se pengesat ndaj këtij procesi lidhen drejtpërdrejt me mungesën e vullnetit politik nga ana e mazhorancës për të zbatuar reformat e nevojshme.

Ajo thekson se ka ardhur koha që Shqipëria të kalojë nga retorika në veprim konkret, duke lënë pas qasjet e vjetra dhe duke përqafuar standardet europiane si pjesë të përditshme të qeverisjes.

“Bllokimi i këtij procesi, retorika politike e cila nuk ndihmon dhe nuk zbaton standartet e BE është e vjetër, e shkuar. Kanë kaluar 12 vite të gjata dhe Shqipëria sot duhet të realizojë reformat që e ndryshojnë. Nëse ky proces është marrë peng fatkeqësisht kjo vjen nga mungesa e vullnetit politik nga ana e maxhorancës”, shtoi ajo.

Të fundit