Flash News

Ndërron jetë në moshën 98-vjeçare, ish-presidenti i Italisë, Giorgio Napolitano

Presidenti i Zululandit vizition New York-un me gruan dhe parukieren

Shoferja me ‘Benz" përplas biçikletën, plagoset një person në Korçë

Përfshihet nga zjarri ish-fabrika e qelqit në Kavajë, rrezikohen edhe disa banesa

E zuri korenti, humb jetën i riu në Tiranë

E SHPJEGUAR

Alibeaj përjashtoi 4 deputetë, si nisi lëvizja e Salianjit për marrjen e grupit të PD. Firmat që i nevojiten

Politiko 12 Janar 2023, 19:59

Alibeaj përjashtoi 4 deputetë, si nisi lëvizja e Salianjit

Deputeti Enkeled Alibeaj ditë e djeshme bëri me dije se kishte përjashtuar nga grupi 4 deputetë të PD.  

Vendimi ka ardhur pasi prej dhjetorit, deputeti Ervin Salianji po mbledh firmat për te shkarkuar Enkelejd Alibeaj nga drejtimi i grupit parlamentar. Për të marrë karrigen e trashëgimtarit të Lulzim Bashës në PD, deputetit demokrat i duhen 21 firma.

Mirëpo, Kjo lëvizje e re brenda grupit demokrat ka shqetësuar jo pak Enkelejd Alibeajn, i cili nxori nga sirtaret vendimin për përjashtimin nga grupi parlamentar te kater deputeteve demokrat mbështetës të Berishës: Oerd Bylykbashin, Belind Këlliçin, Agron Shehajn dhe Tritan Shehun.

“Sot, më datë 10.01.2023, ka përfunduar afati 1 vjeçar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu; Oerd Bylykbashi; Belind Këllici dhe Agron Shehaj. Në mungesë të aktit të distancimit, nga sot hyn në fuqi masa e largimit zyrtarisht të tyre nga Grupi Parlamentar”, njoftoj zyra e shtypit e Enkelejd Alibeaj.

Tashmë, përjashtimet e Alibeajt ndryshuan betejën e numrave në grupin kuvendor demokrat, pasi Salianjit nga 21 firma, i duhen 18 për të marrë kryesimin e grupit ndërsa grupi parlamentar i PD-së numëron 35 deputetë.

Për këtë, deputeti i Partisë Demokratike, Ervin Salianji u pa edhe sot duke vijuar takimet me deputetë të grupit parlamentar të demokratëve në shkallët e selisë së PD.

Ndërkohë, shumë deputetë, përfshirë edhe ata të rreshtuar në grupin e Alibeajt, e kanë cilësuar maskaradë vendimin e këtij të fundit për të përjashtuar nga grupit 4 kolegët e tyre nga grupi.

Ky hap përshpejtoi zhvillime të tjera, për mandatin juridik të përfaqësimit të të cilëve palët janë në proces gjyqësor.

Apeli ende nuk ka marrë një vendim për këtë konflikt juridik mes grupimeve, të cilat në pamundësi të tërheqjes nga pozitat e skajshme, presin vendimin e saj, ndërkohë që kanë nisur veçmas përgatitjet për zgjedhjet vendore të 14 majit.

 

 

Të fundit