Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

E-TJERA

A mund të garojë Berisha më 6 mars? Celibashi: Vetëm me kandidatë që i propozojnë zgjedhësit

Politiko 24 Janar 2022, 10:30

A mund të garojë Berisha më 6 mars? Celibashi: Vetëm me

Presidenti Ilir Meta dekretoi datën 6 Mars për zgjedhjet e pjesshme vendore për 6 bashkitë që janë pa kryetar. Komisioni Qendror i Zgjedhjeve vendosi dy ditë me parë nisjen e fushatës zgjedhore më 19 shkurt.

Komisioneri Shtetëror i Zgjedhjeve, Ilirjan Celibashi, në një intervistë për Deutsche Welle u shpreh se grupimi i Berishës mund të garojë në zgjedhjet e 6 marsit, por vetëm nëse kandidatët i propozojnë vetë zgjedhësit, në basë të ligjit zgjedhor.

“Ligji zgjedhor ka hapësira që grupime, të cilat nuk mund të regjistrohen si subjekte politike më vehte, të marrin pjesë në zgjedhje, në rastin konkret për kryetarë bashkie, me kandidatë që i propozojnë vetë zgjedhësit. Sipas ligjit zgjedhor, zgjedhësit që propozojnë kandidatin për kryetar bashkie duhet të përbëjnë një përqind të numrit të zgjedhësve në listën zgjedhore të bashkisë përkatëse, që kandidati të hyjë në garë”, tha Celibashi.

Në mbledhjen e parë përgatitore, komisioneri i Shtetërore i Zgjedhjeve Ilirjan Celibashi, njoftoi se PD-ja ka bërë një ndryshim të përfaqësuesve ligjorë duke ia hequr të drejtën Ivi Kasos, përfaqësues ligjor i Komisionit të Rithemelimit dhe mbështetës i Berishës.

Celibashi u shpreh se KQZ-ja do të komunikojë vetëm me PD-në zyrtare.

“Me gjithë keqardhjen që kam për këtë situatë duhet të pranojmë se jemi në një marrëdhënie institucionale mes KQZ dhe PD, ku ai  që është përfaqësues ligjor i saj e demonstruar kjo deri më sot në akte zyrtare ka konsideruar se cilët do të jenë përfaqësuesit e saj në zgjedhje. Për ju kjo ishte fjala e fundit në lidhje me këtë çështje dhe me vazhdimin e mëtejshme të mbledhjes së KQZ. Opinionet dhe mendimet e PD janë ato  të cilat do prezantohen nga zoti Sefa dhe Logu”, u shpreh Celibashi.

Komisioni i Rithemelimit në një postim në Facebook, akuzoi KQZ-në se ka marrë një vendim antikushtetues, i urdhëruar nga kryeministri Rama.

“Me këtë akt antiligjor antikushtetues Edi Rama thellon më tej qëndrimin e tij monist dhe kundër pluralizmit politik. Duke pranuar përfaqësuesin e Peng Bravës në KQZ Edvin Kristaq Koleka dëshmon urrejtjen atërore ndaj pluralizmit të vërtetë politik”, shkruante Komisioni i Rithemelimit.

Të fundit