Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

6 marsi/ Basha ndryshon përfaqësuesit në KQZ, Celibashi nuk njeh Ivi Kason: Komunikojmë vetëm me PD-në zyrtare

Politiko 22 Janar 2022, 11:37

6 marsi/ Basha ndryshon përfaqësuesit në KQZ, Celibashi nuk njeh

Përplasjet në Partinë Demokratike janë zhvendosur edhe në Komisionin Qendror të Zgjedhjeve.

Ndërsa Komisioneri Shtetëror i Zgjedhjeve Ilirjan Celibashi ka zhvilluar sot mbledhjen e parë përgatitore për zgjedhjet e pjesshme vendore të 6 marsit ka bërë me dije se PD ka ndryshuar përfaqësuesit ligjorë  duke ia hequr këtë përfaqësim Ivi Kasos, përfaqësuesit ligjor të Komisionit të Rithemelimit të PD dhe mbështetës i Sali Berishës.

Sipas Celibashit, KQZ komunikon vetëm me PD-në zyrtare që në këtë rast përfaqësohet nga Indrit Sefa, Sekretar për çështjet ligjore e zgjedhore si edhe Marash Logu.

“Kam shkresën e kryetarit të Partisë mbi ndryshimet. Në pikëpamje të ligjit raporti i një partie politike me KQZ-në është një raport i vazhdueshëm, edhe në atë jo zgjedhore.  Me gjithë keqardhjen që kam për këtë situatë duhet të pranojmë se jemi në një marrëdhënie institucionale mes KQZ dhe PD, ku ai  që është përfaqësues ligjor i saj e demonstruar kjo deri më sot në akte zyrtare ka konsideruar se cilët do të jenë përfaqësuesit e saj në zgjedhje.

Për ju kjo ishte fjala e fundit në lidhje me këtë çështje dhe me vazhdimin e mëtejshme të mbledhjes së KQZ. Opinionet dhe mendimet e PD janë ato  të cilat do prezantohen nga zoti Sefa dhe Logu”, u shpreh Celibashi.

Ndërkohë, Kaso deklaroi se nënshkruesi i letrës nuk është më kryetar i PD, pasi ka ndryshuar që më 11 dhjetor. 

“I bëj me dije KQZ për një fakt të bërë publik, edhe Kuvendi i Shqipërisë, lidhur me faktin që që prej dhjetorit 2021, jo vetëm nënshkruesi i letrës nuk është më kryetar i PD, sigla dhe vula e PD, kanë ndryshuar në raport me ato të depozituara në procesin e 25 prillit”- u shpreh Kaso.

 

Të fundit