Flash News

SHBA i kërkon Serbisë të tërheqë trupat ushtarake nga kufiri me Kosovën

Milan Radoiçiç dorëhiqet nga posti i nënkryetarit të Listës Serbe

3 atentate në 2 ditë, Rrumbullaku firmos emërime dhe shkarkime për disa drejtues

Berisha: Akti terrorist i falangave Serbe kishte një sfond të parapërgatitur nga Rama dhe Vuçiç

Dyshohet se u vra nga burri, ja çfarë shkruante Klodiana në rrjetet sociale

E-TJERA

Atentati ndaj prokurorit, SPAK kërkon burgim të përjetshëm për Redjan Rrajën

Politiko 31 Maj 2023, 15:13

Atentati ndaj prokurorit, SPAK kërkon burgim të përjetshëm

SPAK ka kërkuar këtë të mërkurë burgim të përjetshëm për Redjan Rrajën dhe 35 vite burg për Ariol Halilajn për atentatin ku mbeti i plagosur prokurori Arjan Ndoja dhe humbi jetën shoferi Andi Maloku.

I plagosur në këtë atentat mbeti gjithashtu edhe Pëllumb Muharremi, i njohur si Rrumi i Shijakut. 

Rraja akuzohet për veprat penale të “Vrasjes së funksionarëve publikë”, “Vrasjes kundër dy ose më shumë personave”, e kryer në bashkëpunim, e mbetur në tentativë” dhe “Armëmbajtja pa leje”.

Si ndodhi ngjarja?

Redjan Rraj dhe Halilaj ishin të parët që u arrestuan lidhur me atentatin e ndodhur në 1 Nëtor 2019, në autostradën Durrës-Tiranë.

Pranë mbikalimit të Shkozetit, është qëlluar me armë ndaj makinës në lëvizje ku ndodheshin prokurori i Durrësit Arjan Ndoja, Aleksandër Laho i njohur si Rumi dhe Andi Maloku, shoferi i magjistratit. Nga të shtënat, Maloku humbi jetën, ndërsa Ndoja dhe Laho u plagosën.

Të arrestuarit

Në Janar erdhi vala e dytë e arrestimeve. Në pranga u vunë Bashkim Haxhiaj; 54 vjeç; Marsel Deçka; 38 vjeç;  Kili Nerjaku alias Genti Ndërjaku, 40 vjeç; të tre banues në Durrës; si dhe Endrit Sinani, 29 vjeç dhe Juljan Pjetri, 45 vjeç, të dy banues në Tiranë.

Ndërsa në kërkim, u shpallën Amar Shkëmbi, Plarent Dervishaj, Julian Meçaj dhe Ramazan Rraja. Ky i fundit u ndalua disa javë më parë, ndërsa Shkëmbi në muajin Shkurt. Nga ana tjetër, Plarent Dervishaj është raportuar se u ndalua në Dubai për llogari të autoriteteve shqiptare në Dhjetor 2020 lidhur me disa vepra të tjera penale për të cilat akuzohej, por më pas është liruar nga autoritetet atje pas mbërritjes me vonesë të letërporosisë nga Shqipëria në drejtim të Ministrisë së Drejtësisë në Dubai.

Sipas akuzës, ishte pikërisht Plarent Dervishaj urdhërues i atentatit te mbikalimi i Shkozetit. Dyshohet se mes tij dhe Aleksandër Llahos, kishte përplasje. Konflikti mes palëve dyshohet se u agravua pas atentatit që iu bë Dervishajt në Durrës në Qershor 2019, kur makina me të cilën lëvizte u qëllua me armë zjarri.

Të fundit