Flash News

Riaktivizohen zjarret në Darzezë të Fierit, 11 zjarrfikëse në terren

Qeveria propozon ndryshimin e ligjit për turizmin, vilat duhet të licencohen, në të kundërt gjobiten

Raporti i ODIHR për 14 majin, ambasada amerikane: Qeveria dhe partitë politike të zbatojnë rekomandimet

Dhunoi të moshuarin dhe i grabiti paratë, arrestohet i riu në Gramsh

Tre studiues marrin çmimin Nobel për Fizikë

E-TJERA

Përfitoi 570 mijë euro përmes mashtrimit, gazetari tregon si Milena Deraj u takua me familjen Ferracaku

Politiko 27 Maj 2023, 15:34

Përfitoi 570 mijë euro përmes mashtrimit, gazetari tregon si

Ish-punonjësja e Bashkisë së Tiranës, Milena Deraj  u la në burg pas mashtrimit me 570 mijë euro. Sipas dosjes hetimore, Deraj ka marrë nga familja Ferracaku një shumë prej 340 mijë euro për ta ndihmuar me çështjen gjyqësore për Masakrën e Velipojës, ngjarje e ndodhur në vitin 2021.

Në lidhje me këtë çështje ka folur dhe gazetari Eni Ferhati, i cili ka zbuluar detaje të reja në lidhje me dosjen e Milena Deraj.

I ftuar në “Euronews Albania”, Ferhati tha se Deraj u lidh rastësisht me një anëtare të familjes Ferracaku në zonën e Astirit dhe i mori paratë me këste të ndryshme me pretendimin se do të gjente një avokat që do të hiqte burgimin e përjetshëm.

Megjithatë pasi u refuzua nga disa avokatë, përfshirë dhe ish-prokurorin Arjan Ndoj, Deraj thotë se u mor peng në Shkodër nga anëtarët e familjes Ferracaku nën kërcënimin e armës për t’i kthyer paratë.

Përfitoi 570 mijë euro përmes mashtrimit, gazetari tregon si
Gazetari Eni Ferhati

“Është njohur krejt rastësisht me anëtarë të familjes Ferracaku, të cilët kishin një proces gjyqësor dhe kërkonin të shmangnin akuzën e burgimit të përjetshëm për disa anëtarë të kësaj familjeje. Ajo ka rënë në një kontakt rastësor në zonën e Astirit me një anëtare të familjes Ferrracaku duke i kërkuar këtë shumë kaq të madhe për të gjetur një avokat."

"Sipas vetë dëshmisë së Milena Deraj ajo ka shkuar dhe ka kontaktuar ish-prokurorin Arjan Ndoj i cili ushtron tashmë profesionin e avokatit, por zoti Ndoj nuk ka pranuar ta marrë këtë çështje, pasi ka parë gjendjen me të cilat ndodhen aktet dhe provat që ka administruar prokuroria lidhur me akuzën e vrasjes për shtetasit Hasan Abedin dhe Shyqiri Ferracaku, si dhe një nip të tyre."

"Pasi kishte marrë paratë në disa këste dhe nuk po gjente një avokat që të siguronte mbrojtjen ligjore, ajo ka rënë pre e kërcënimit të kësaj familjeje. Është marrë peng në Shkodër sipas saj, ku i kanë bërë dhe një video. Është mbajtur gjatë gjithë kohës nën kërcënimin e armës por pa e dhunuar atë”, tha Ferhati.



Të fundit