Flash News

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

E-TJERA

Mori 570 mijë euro përmes mashtrimit, Milena Deraj ndërtoi shtëpi në Tepelenë me një pjesë të parave

Politiko 26 Maj 2023, 12:57

Mori 570 mijë euro përmes mashtrimit, Milena Deraj ndërtoi

Detaje të reja janë zbardhur nga dosja hetimore për Milena Derajn, ish-punonjësja e Bankës së Shqipërisë e cila u la në burg pas mashtrimit me 570 mijë euro.

Sipas dosjes hetimore, Deraj ka marrë nga Abedin dhe Shyqyri Ferracaku një shumë prej 340 mijë euro për ta ndihmuar me çështjen gjyqësore për Masakrën e Velipojës, ngjarje e ndodhur në vitin 2021.

Po ashtu, në dosje thuhet se Deraj një pjesë të shumës së përfituar e ka shfrytëzuar për të ndërtuar një shtëpi në fshatin Salari në Tepelenë.

“Nga veprimet hetimore na rezulton se kjo shtetase ka mashtruar më shume se një herë shtetas të ndryshëm, në shuma të mëdha parash. Ditën e sotme, është paraqitur shtetasja Milena Deraj pranë drejtorisë së Policisë së Tiranës ku ka kallëzuar se është kërcënuar nga shtetasit Abedin dhe Shyqyri Ferracaku, të cilëve i kishte marrë një shumë prej 340 mijë euro për t’i ndihmuar në një çështje gjyqësore në prokurorinë e Shkodrës, por pasi ka marrë këtë shumë parash, ka investuar një pjesë të tyre në një shtëpi në fshatin Salari në Tepelenë, duke mos jua kthyer më këto para.

Po ashtu një tjetër shtetase, Elira Shyti, person që ka dijeni për rrethanat e hetimit, por dhe e pranishme gjatë zhvillimit të ngjarjeve, e cila ka kallëzuar se Deraj e ka mashtruar atë në shumë prej 250 mijë euro, me prentendimin se do t’i investonte në bono thesari dhe se do të përfitonte shuma të larta me interesa. Por në fakt në total Milena i ka dhënë një shumë prej 5 mijë eurosh, e më pas pjesën tjetër të parave nuk ja ka kthyer më, por as duke përmbushur qëllimin për të cilin kishte marrë paratë”, thuhet në dosjen hetimore.

Të fundit