Flash News

Sherr mes adoleshentëve në Maliq, plagoste me thikë 15-vjeçari

Presidenti i KE nga Tirana: Rendi botëror po minohet, siguria e Ukrainës është siguri e BE

U arrestua për masakrën e Dobraçit, GJKKO liron nga qelia Xhuljo Vuksanin

E rëndë te Liqeni i Thatë, vetëv*itet me armë zjarri në makinë 38-vjeçarja

Samiti i Komunitetit Politik Europian/ Akset rrugore që do të bllokohen sot në Tiranë dhe orari përkatës

E-TJERA

Vizita e Donfried në Tiranë, ambasada e SHBA jep detaje nga takimet e zyrtares së DASH

Politiko 29 Prill 2022, 15:22

Vizita e Donfried në Tiranë, ambasada e SHBA jep detaje nga takimet e

Ambasada amerikane në Tiranë ka dhënë detaje nga takimet e ndihmëssekretares amerikane të Shtetit Karen Donfried, me zyrtarë të qeverisë.

Donfried u takua me kryeministrin Edi Rama, kreun e grupit parlamentar të PD Enkelejd Alibeaj dhe dy deputetët: Gazment Bardhi dhe Jorida Tabaku.

Ambasada e SHBA njofton se qëllimi i vizitës së Donfried në Tiranë, ishte thellimi i partneritetit tashmë të fortë midis Shteteve të Bashkuara dhe Shqipërisë, në kuadër të 100 vjetorit të marrëdhënies mes dy shteteve. Donfried e shoqëruar nga Esobar, rikonfirmoi mbështetjen e SHBA-ve në rrugën e Shqipërisë drejt integrimit evropian, si dhe bashkëpunimin mes dy vendeve në fusha të ndryshme të ekonomisë.

“Si pjesë e vizitës së saj në Ballkanin Perëndimor, Ndihmës Sekretarja e Shtetit për Çështjet Europiane dhe Euroaziatike Karen Donfried dhe Zëvendës Ndihmës Sekretari i Shtetit dhe i Dërguari i Posaçëm për Ballkanin Perëndimor Gabriel Escobar ishin në Shqipëri në 28 dhe 29 prill. Ata u takuan me Kryeministrin Edi Rama, ministra të ndryshëm, dhe drejtuesit e opozitës. Qëllimi i vizitës së tyre ishte thellimi i partneritetit tashmë të fortë midis Shteteve të Bashkuara dhe Shqipërisë si miq, aleate në NATO dhe anëtare në Këshillin e Sigurimit së Kombeve të Bashkuara, sidomos teksa festojmë 100-vjetorin e marrëdhënieve tona dypalëshe. Ata rikonfirmuan mbështetjen e Shteteve të Bashkuara për anëtarësimin e Shqipërisë në Bashkimin Europian dhe nxitën vijimin e reformave të nevojshme, përfshirë reformën në drejtësi; mirëpritën përpjekjet e fundit për të diversifikuar burimet, furnizimet dhe rrugët e energjisë në Shqipëri dhe më gjerë në rajon; dhe nënvizuan se Shtetet e Bashkuara do të vazhdojnë luftën kundër korrupsionit si një interes thelbësor i sigurisë kombëtare të Shteteve të Bashkuara. Ata theksuan gjithashtu rolin e pazëvendësueshëm të një opozite të fortë në demokracinë e Shqipërisë, theksuan rëndësinë e institucioneve të forta demokratike dhe sundimit të ligjit dhe shprehën shpresën për një partneritet të efektshëm dhe që sheh përpara me popullin shqiptar, duke përfshirë edhe partitë që i përfaqësojnë ata”, shkruan ambasada amerikane.

 

Të fundit