Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
I prekur me COVID-19, ndërron jetë mjeku Arjan Pushi. E konfirmon dhe MSH
Është ndarë nga jeta mjeku hematolog Arjan Pushi. Lajmi është konfirmuar dhe nga Ministria e Shëndetësisë. Pushi është mjeku i parë në vendin tonë që nuk arrin ti mbijetojë COVID-19, pavarësisht përpjekjes maksimale të stafit mjekësor.
Prof. Arjan Pushi ka patur një karrierë të spikatur në fushën e hematologjisë dhe ka përgatitur shumë breza studentësh të Mjekësisë.
Kujtojmë se ditën e djeshme u publikua lajmi se kishte ndërruar jetë mjeku Pushi dhe ky lajm u hodh poshtë nga Ministria e Shëndetësisë, e cila iu lut mediave të bazoheshin në burime zyrtare.
Teksa sot, vetë MSH ka dhënë lajmin se mjeku Pushi nuk ia doli dot.
"Ndarja nga jeta e Profesor Arjan Pushit është një dhimbje e madhe për familjen, për miqtë e tij, për kolegët, pedagogët e Universitetit të Mjekësisë ku ka shërbyer për shumë vite.
Kontributi i çmuar i Profesor Arjan Pushit për mjekësinë shqiptare, do të mbetet i pashlyeshëm ndër breza.
Megjithë përpjekjet e kolegëve, të cilët bënë të pamundurën për ta mbajtur në jetë në spitalin infektiv, prof. Arjani nuk ia doli dot, në betejën me virusin e rrezikshëm.
U prehsh në paqe Profesor Pushi!
Ngushëllime të sinqerta familjes dhe miqve. Ju jemi pranë në këto momente të vështira!"- shkruan ministrja e Shëndetësisë, Ogerta Manastirliu në profilin e saj në Facebook.