Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kritike e ashpër e Bashës, PD “i hap” derën Topallit. Thirrja nga Shkodra: Zë që ka dhënë kontribut të jashtëzakonshëm

Politiko 4 Korrik 2020, 13:33
Kritike e ashpër e Bashës, PD “i hap” derën Topallit.

Sekretari i Përgjithshëm i PD, Gazment Bardhi ka deklaruar nga Shkodra se PD është e hapur të mirëpresë cilëndo figurë që ka dhënë kontribut ndër vite, që të rikthehet në parti pasi është momenti për mbështetjen e demokratëve.

Sipas Bardhit, i pyetur edhe për rastin e ish-kryetarin e Kuvendit, Jozefina Topalli, por njëherësh edhe një kritike e ashpër e kreut aktual të PD, Lulzim Basha, dera është e hapur dhe nuk do të thotë se  braktiset nga demokratët kush humbet një pozicion.

“Nëse çdo individ me kontribut në Partinë Demokratike ka objektiv të vetin të kthejë demokratët në pushtet, apo t'i kthejë demokratëve besimin që ka marrë prej tyre ndër vite, sigurisht që e ka më shumë sesa detyrim.

Një përfaqësues politik në të shkuarën i PD-së, ka qenë në ato pozicione për shkak të mbështetjes që ka marrë nga demokratët e zakonshëm. Fakti që një individ humbet një pozicion të caktuar përfaqësimi, nuk nënkupton dhe nuk duhet të nënkuptojë në asnjë rast braktisjen e demokratëve.

Apeli im dhe thirrja ime si demokrat në radhë të parë është që kushdo ka marrë mbështetje nga demokratët, është momenti t'i kthejë mbështetje demokratëve për Shqipërinë mbi të gjitha, por edhe për Partinë Demokratike.

Ne kemi qënë parti e lirë , kemi patur debate brenda vetes dhe tregoj për funksionim demokratik të PD.

Pa diskutim. Zonja Topalli është anëtare e Këshillit Kombëtar të PD-së prej funksioneve që ka pasë. Ka qenë për 8 vite kryetare e parlamentit.

Është një zë që ka dhënë kontribut të jashtëzakonshëm në Partinë Demokratike, por ka marrë edhe mbështetje të jashtëzakonshme nga demokratët dhe PD. Ky proces nuk ka nevojë për ndërmjetës. Kushdo që ndjen veten demokrat ka momentin për t;i kthyer mbështetjen demokratëve”, u shpreh Bardhi, por mbetet për t'u parë se cili do të jetë qëndrimi i Topallit.

Ndërkohë kreu i PD, Lulzim Basha i ftuar të premten në ‘Zonë e Lirë’, u pyet nëse do të shihet në sfond një ‘Jozefinë’, si simbol i gruas së fortë në politikë, në PD, ndërsa Basha u shpreh i bindur: Ka sot dhe do të ketë edhe nesër, pa diskutim".

Të fundit