Kush tha se Neymar do të lërë Parisin? Ai ka një synim madhor

Neymar nuk do të largohet nga PSG-ja. Mediat mund të shkruajnë kështu, edhe vetë familja e tij mund ta thotë këtë, por ai jo. Deklarata e tij e fundit në “France Football” i ka sheshuar të gjitha problemet me klubin.

“Ma thoni pse mund të dua që të largohem nga Parisi. Kam ende dy vite të tjera në kontratë dhe ekipi po përmirësohet gjithnjë e më shumë. Duhet të qëndrojmë të përqendruar në sezonin që po bëjmë dhe të fitojmë sa më shumë trofe. Objektivi kryesor nuk diskutohet: Champions League”, ka thënë braziliani.

Verën e shkuar ka patur spekulime se Neymar ishte pranë rikthimit te Barcelona, por PSG-ja kërkoi shumë para dhe katalanasit u dorëzuan. Duket se tani edhe vetë lojtari është dorëzuar, Kontrata është kontratë.