“Ka bërë fushatë me Balilin”, ç’deklaronte Nasip Naço për Ramën para se t’i bashkohej PS

Nasip Naço, ish-deputet dhe ish-ministër i LSI, njoftoi kalimin me Partinë Socialiste. Ky fakt u bë i ditur nga vetë Naço, nga Berati, teksa merrte pjesë në ceremoninë e hedhjes së kryqit, në prani të ministrit Blendi Klosi.

Ish-ministri i Drejtësisë theksoi se do të përkrahë të majtën progresive e mes të tjerash pohoi se Shqipëria nuk kanë më nevojë për eksperimente politike, por për të ecur përpara.

Por, ndërsa ky vendim vjen pak muaj para zgjedhjeve të 25 prillit, Naço nuk është shfaqur më herët aq dashamirës ndaj forcës politike të cilës iu bashkua.  

 Tre vjet më parë, në studion e Syri.net tha se Kryeministri Edi Rama ka frikë nga vetingu. Naço u shpreh se pas vetingut të gjyqtarëve dhe prokurorëve, ata që do të mbeten në sistemin e drejtësisë do të kalojnë në veting të gjithë klasën politike.

“Nuk besoj se frikë nga vetingu ka një qytetar, por frika ka kryetimonieri që bërtet më fort për vetingun, por që ka 5 vjet që firmos konçensione pa asnjë lloj transparence dhe duke shkelur ligjet”, tha Naço.

Në vijim ai shtoi se që nga Rama dhe shumë eksponentë të PS kanë bërë fushatë me Balilin, në krah të tij, dhe mendoj se secili prej tyre duhet të mbajë përgjegjësi.

Referuar fitores së PS-së në zgjedhjet e 25 qershorit, Naço e cilësoi atë si fitoren e Pirros.

“Edhe Pirro fitoi, por fitorja e tij pati humbje të mëdha. Po të shikoni raportet e fundit,  15-20 % e votave janë blerë, në Berat ka pasur persona me armë dhe policia nuk ka reaguar, u rrethua shtabi elektoral  i LSI në Berat, postierët e natës ndanin ndihma dhe para në Berat dhe policia nuk reagonte. Të gjitha këto i kam denoncuar, janë bërë edhe kallëzime penale”, tha Naço.

Po ashtu, në një tjetër intervistë dhënë një vit më vonë në Fax Neës, Naço deklaronte se Reforma në Drejtësi kishte dështuar, pasi sipas tij PS kishte si qëllim kishte që të kapte Prokurorin për interesa personale.

“Të gjithë ata që morën meritat e reformës, të gjithë ata që morën dekoratat e Reformës në Drejtësi, por edhe që u paguan jo pak në emër të kësaj reforme si ekspertët të nivelit të lartë, vendas apo të huaj, gjëja e parë që duhet të bëjnë është që të kthejnë dekoratat, sepse i kanë marrë në mënyrë të pamerituar, të kthejnë edhe paratë që i kanë marrë nga taksapaguesit shqiptarë apo edhe nga Bashkimi Evropian apo Shtetet e Bashkuara të Amerikës, sepse kanë dështuar në Reformën në Drejtësi.

Kanë dashur që këtë reformë ta kanalizojnë për interesat e tyre personale. Por nuk i kanë bërë mirë llogaritë. Kam qenë unë asokohe si ministër i Drejtësisë, që kam propozuar një reformim të thellë Kuvendit, Kryeministrit për të marrë situatën në dorë, sepse Këshilli i Lartë i Drejtësisë nuk funksiononte. Nuk po flas për Këshillin e Lartë të Prokurorisë që ishte një Këshill konsultativ.

Prandaj u kërkua të ndryshohej pak fytyra e Prokurorisë, e Këshillit të Lartë Gjyqësor, të përjashtoheshin nga reforma gjyqësore Presidenti i Republikës, kryetari i Gjykatës ës Lartë, Prokurori i Përgjithshëm, kryetari i Gjykatës Kushtetuese për të pasur dhe për t’i dhënë një besim të plotë sistemit të drejtësisë, por edhe qytetarët dhe partnerët ndërkombëtarë t’i besojnë këtij sistemi”, deklaronte asokohe Naço.