Evropa po përballet me valën e dytë covid-19, masat shtrënguese të shteteve për t’i rezistuar një tjetër mbylljeje kombëtare  

Evropa duket se ka rënë sërish në ‘kthetrat’ e një ringjalljeje COVID-19, me shpërthime të ‘nxehta’ në Mbretërinë e Bashkuar, Spanjë dhe Francë, secila duke raportuar mijëra raste të reja të përditshme.

Numri i infeksioneve aktualisht është më i lartë se në mars dhe prill në shumë shtete, pasi kufizimet u lehtësuan ndjeshëm gjatë verës.

Në këto kushte, shumë vende janë detyruar të rivendosin nivele të ndryshme kufizimesh, megjithëse shumica prej tyre po i rezistojnë bllokimeve në të gjithë vendin.

Anglia

Anglia është përballur me katërfishin e rasteve të infeksionit covid-19 në tre javët e fundit dhe tani ka më shumë pacientë me spital se sa para se qeveria të vendoste një bllokim në mars, thanë të hënën autoritetet shëndetësore, duke hedhur bazat për një paketë të re kufizimesh.

Por, si shumica e Evropës, Britania tani po ndjek kufizime të synuara lokale - të tilla si mbyllja e - në Liverpool, ndërsa po bën gjithçka që mundet për të shmangur një bllokim tjetër kombëtar dhe mbylljen e shkollave.

Në një deklaratë për Parlamentin, Kryeministri Britanik Boris Johnson tha se ai po përpiqej të merrte një qasje të ekuilibruar midis ekstremeve të "mbylljes së ekonomisë ".

"Ne nuk duam të kthehemi në një bllokim tjetër kombëtar", tha ai.

Johnson njoftoi një sistem alarmi me tre nivele, sipas të cilit zonat me shqetësimin më të lartë - tani duke përfshirë Liverpool - do të shohin pub-et dhe baret të mbyllura, megjithëse shkollat ​​do të qëndrojnë të hapura.

Në zonat që bien në nivelin e mesëm, njerëzit nuk do të lejohen të takohen në ambiente të mbyllura me të tjerët që nuk janë pjesë e familjeve të tyre. Dhe niveli më i ulët do të duhet të respektojë masat tashmë të vendosura, me pub-et që mbyllen në 10:00 dhe tubime të kufizuara në gjashtë persona.

Në Angli, shumë shqetësohen se bizneset mund të mos mbijetojnë nga vala më e re e kufizimeve.

Ravi Gupta, një mikrobiolog në Universitetin e Kembrixh tha se në Britani dhe vendet e tjera evropiane, "një bllokim i plotë është jashtë agjendës politike", pjesërisht sepse "faktori i frikës" rreth koronavirusit nuk është ai që ishte në pranverë.

Ndërsa shtoi se bllokimet e plota janë më të mirat për kufizimin e vdekjeve dhe transmetimeve, Gupta tha se "është e qartë se njerëzit nuk mund të durojnë kufizime afatgjata".

Franca

Franca la të kuptohet se mund të vendosë kufizime të mëtejshme. Të Shtunën, autoritetet raportuan rekord rastesh, 27,000 raste të reja në 24 orë, kurse të hënën, zyrtarët shëndetësorë thanë se numri i njerëzve të shtruar në spital për covid-19 kishte tejkaluar shifrën 8,600 për herë të parë që nga fundi i qershorit.

"Nëse gjatë dy javëve të ardhshme shohim që treguesit përkeqësohen, nëse shtretërit e kujdesit intensiv mbushen edhe më shumë nga sa presim, ne me të vërtetë do të marrim masa shtesë," tha Kryeministri Jean Castex.

Qeveria franceze ka shmangur vendosjen e një bllokimi të dytë në të gjithë vendin, por ajo ka lëshuar kufizime të reja - veçanërisht në kapacitetin e restorantit dhe kohën e shitjes së alkoolit, në zonat kryesore urbane.

Spanjë

Në Spanjë, Kryeministri Pedro Sánchez kërkoi të parandalohen udhëtimet brenda dhe jashtë Madridit.

Rajoni i Madridit ka raportuar më shumë se 20,000 raste të reja të koronavirusit gjatë shtatë ditëve të fundit, duke e bërë atë një nga zonat më të goditura të valës së dytë të Evropës.

Belgjika

Në Belgjikë, rastet e diagnostikuara javën e kaluar ishin 89 përqind më të larta se javën e kaluar. Një zëdhënës i reagimit kombëtar të koronavirusit, Yves Van Laethem, paralajmëroi të hënën se nëse tendencat aktuale nuk ndalen, numri i njerëzve në njësitë e kujdesit intensiv në fund të tetorit mund të rivalizojë shifrat e shënuara në Mars dhe Prill.

"Të gjithë treguesit vazhdojnë të rriten në mënyrë alarmante", u tha Van Laethem gazetarëve.

Gjermania

Gjermania të hënën shtoi Mynihun në një listë në rritje të zonave "të kuqe" të koronavirusit, e cila shkakton kufizime të reja.

Që nga e mërkura, bareve dhe restoranteve të Mynihut u është kërkuar të ndërpresin shërbimin e alkoolit pas orës 10:00. Veshja me maskë do të jetë e detyrueshme për këmbësorët dhe jo më shumë se dy familje, ose deri në pesë persona, lejohen të takohen në grupe.

Ngjarjet private të brendshme lejohen vetëm me 25 të pranishëm, dhe ngjarjet në natyrë deri në 50. Rregullat do të qëndrojnë në fuqi për të paktën dy javë, deri në 27 Tetor.

Italia

Edhe në Itali, trajektorja është shqetësuese. Dhe ndryshe nga pranvera, kur shpërthimi goditi veriun më të pasur të vendit, tani ajo po arrin në rajonet jugore me ekonomi dhe sisteme spitalore të dobët.

Italia javën e kaluar mori vendimin që në të gjithë vendin maskat të mbahen kudo dhe deri më tani shumica duket se po u përmbahen masave. Qeveria po shqyrton tani hapat e masa të reja që do të përfshijnë ndalim të festave private dhe një kufizim të numrit të të ftuarve në dasma dhe funerale, sipas Reuters.

Të hënën, kryeministri Giuseppe Conte përjashtoi një bllokim tjetër kombëtar por tha se bllokimet e lokalizuara mund të përdoren nëse është e nevojshme.

Përkthyer nga Washington Post/ S.F 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm