Pas përpjekjeve për të shpëtuar martesën, Cardi B dhe Offset firmosin dokumentet e divorcit

Cardi B ka vendosur të ndahet nga bashkëshorti i saj Offset, pas 3 vitesh së bashku. Reperja ka firmosur dokumentet e divorcit ditën e djeshme dhe ka kërkuar kujdestarinë e vajzës, Kulture.

Sipas burimeve për mediat e huaja, dy palët nuk kanë arritur ende një marrëveshje për ndarjen e pasurisë dhe ky vendim i takon gjykatës. Cardi dhe Offset dukeshin mjaft të dashuruar që pas tradhtisë së Offset vitin e kaluar, që u bë dhe mediatike.

U duk sikur e kaluan këtë krizë, por nuk dihet çfarë ka ndodhur tani sepse asnjëri nga të dy nuk ka reaguar. Kujtojmë se Cardi dhe Offset u martuan në fshehtësi të plotë në vitin 2017.