Policia dhe FNSH operacion në 5 qytete për të kapur atentatorët e Ndojit

Një operacion masiv në pesë qytete të vendit ka nisur nga forcat e policisë për të kapur atentatorët e tjerë të prokurorit Arjan Ndoj.

Ky i fundit u qëllua me armë në mbikalimin Shkozetit, ndërsa po udhëtonte me shoferin e tij dhe një tjetër person, Landi Muharremi, emër i njohur për uniformat blu.

Kontrolle të imtësishme janë kryer në Tiranë, Lushnjë, Vlorë, Durrës dhe Fushë Krujë pasi dyshohet se në këto qytete fshihen autorët

Në aksion po marrin pjesë agjentë të policisë së Shtetit, edhe FNSH dhe Forca Operacionale e Tiranës. Në kërkim janë dy persona, që dyshohet se janë bashkëpunëtorëve të Redjan Rrajës, i arrestuat dy ditë më parë.