Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Zjarret në Shëngjin dhe Gjirokastër, Meta thirrje autoriteteve vendore dhe qendrore: Koordinohuni për mbrojtjen e banorëve  

Politiko 23 Gusht 2019, 13:34
Zjarret në Shëngjin dhe Gjirokastër, Meta thirrje autoriteteve

Presidenti Ilir Meta ka reaguar lidhur me situatën e krijuar nga përhapja masive e zjarreve në Qarqet Gjirokastër dhe Lezhë.

Meta ka apeluar institucionet vendore dhe ato qendrore që të koordinohen mes tyre dhe të neutralizojnë sa më parë flakët e zjarrit.

“Presidenti i Republikës Ilir Meta është duke ndjekur me shumë shqetësim situatën aktuale të shkaktuar nga përhapja masive e zjarreve në disa qarqe të vendit, veçanërisht në Gjirokastër dhe Lezhë.

Meta inkurajon personelin e Forcave të Armatosura dhe të Ministrisë së Brendshme, njësitë e Emergjencave Civile, si dhe drejtuesit e pushtetit vendor në këto qarqe, për marrjen e menjëhershme të të gjitha masave efektive të emergjencës, për të neutralizuar vatrat e zjarrit dhe për t’iu ndodhur pranë qytetarëve të cilët mund të rrezikohen nga përhapja masive e tyre.

Presidenti duke theksuar rëndësinë e ruajtjes së mjedisit dhe të natyrës, u bën thirrje dhe nxit institucionalisht autoritetet qendrore e vendore, për koordinimin në kohë, me qëllimin përballimin me efektivitet të situatës, për t’u ardhur në ndihmë zonave të prekura nga zjarret, veçanërisht për eliminimin e rrezikut për jetët e qytetarëve”, njofton zyra e presidentit.

Të fundit