Adi Krasta rikthehet sërish me emisionin e tij, por këtë herë nga Prishtina

Ndërsa në Shqipëri pati probleme për të gjetur një hapësirë mediatike ku të ushtronte detyrën e tij dhe të shprehte lirshëm opinionin, në kryeqytetin kosovar e ka gjetur një hapësirë në Televizionin T7 në Kosovë. Çdo të premte, ai do të realizojë monologun hyrës dhe intervistën e javës.

Ai kishte emisionin e tij “A show” në televizionin News 24, por pronarët vendosën që ta mbyllnin, pas qëndrimit të moderatorit kundër qeverisë Rama.

Vendimi i drejtuesve të News 24 shkaktoi reagime të shumta, ndërkohë që Krasta e pati të vështirë që të mund të vazhdonte emisionin e tij në një tjetër TV. Por tani, ai do të mund të shprehë qëndrimet e tij dhe të kryejë detyrën si moderator në T7.