Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Replikat Rama-Farage, Bushati: Këshillat e një politikani shqiptar s’i hyjnë në punë Anglisë

Politiko 30 Qershor 2025, 22:39

Replikat Rama-Farage, Bushati: Këshillat e një politikani shqiptar

Ish-ministri i Jashtëm Ditmir Bushati komentoi replikat në distancë mes kryeministrit Edi Rama dhe deputetit britanik, Nigel Farage, i cili është shprehur se shqiptarët në Britaninë e Madhe janë aktorë kryesorë në kriminalitet dhe se  1 në 50 shqiptarë atje ndodhet në burg.

I ftuar në Euronews Albania, Bushati e cilësoi të papranueshme justifikimin që politikanë britanikë apo të tjerë i bëjnë gjendjes së vendi të tyre duke i asociuar shqiptarët me krimet.

Por nga ana tjetër theksoi ai, kombit britanik “nuk do t’i bëjë punë që një politikan nga Shqipëria t’i tregojë për Brexit”.

“Nuk i di arsyet pse po zhvillohet kjo lloj replike në distancë. Farage dhe shumë të tjerë në Mbretëri të Bashkuar por edhe në kryeqytete të rëndësishme të Evropës në momente të caktuara përpiqen të justifikohen me elementin shqiptar, duke i asociuar me vepra kriminale dhe kjo është totalisht e papranueshme.

Në këtë pikë çdo qëndrim që mund të vijë nga kryeministrin apo autoritete të tjera të shtetit shqiptar ka gjithë mbështetjen time, pavarësisht se kjo mbështetje mund të mos hyjë fare në pune.

Nga ana tjetër mendoj që nuk është e nevojshme t’i kujtojmë ne Mbretërisë së Bashkuar në rast se po jeton një moment të errët pas BREXIT. Kjo është një çështje e brendshme e britanikëve. Kombit britanik nuk mendoj që do t’i bëjë punë që një politikan nga Shqipëria t’i tregojë për Brexit”, tha Bushati.

Të fundit