KRYESORE

Basha: Kufizim me ligj të Kryeministrit në dy mandate. Nëse nuk e aprovon Kuvendi, do ta bëjmë me referendum

Basha: Kufizim me ligj të Kryeministrit në dy mandate. Nëse nuk e

Kreu i Partisë Demokratike Lulzim Basha, ka bërë një deklaratë të fortë mbrëmjen e sotme, kur tha se në kohën kur të vij në pushtet do të kufizojë mandatin e kryeministrit me Kushtetutë në dy mandate. Në një intervistë për "Opinion", Basha është shprehur se nëse një gjë e tillë nuk pranohet nga Parlamenti, do të bëhet me referendum nga populli.

Për kryedemokratin, një Kryeminisër që s'ka bërë asgjë në dy mandate, nuk e meriton një mandat të tretë. Basha po ashtu, sqaron se ky ndryshim në Kushtetutë do të prek vetëm figurën politike, jo forcën drejtuese, çka do të thotë se një person nuk mund të qeverisë në krye të ekzekutivit për më shumë se 8 vjet, por forca politike që ai përfaqëson po.

“Ky është zotmi im dhe unë do ta bëjë këtë ligj në Kushtetutë dhe në qoftë se parlamenti i ardhshëm nuk e pranon një propozim të tillë, unë do t’I drejtohem qytetarëve me referendum dhe një nga normat do të jetë kufizimi i pushtetit. Pushteti absolut është arsyeja pse kemi ardhur deri këtu.

Kjo do të kufizojë vetëm emrin e kryeministrit, jo forcën politike. Kjo sepse po e them sërish që jam i mendimit se çka nuk e arrin dot për 2 mandate nuk mund ta bësh dot në mandatin e tretë. Në mandatin e tretë maksimumi mund të vegjetoj ose do të jetë mandate korrupsioni”, tha Basha, ndërkaq një koment e ka patur edhe për çështjen e pronave dhe pronarëve e cila përbën ende një debat të nxehtë në Shqipëri.

Deklarata e plotë e Bashës:

Oligarkët ndihmojnë të eleminojnë njëri tjetrin. Sa më pak aq më mirë në maj të piramidës. Fermeri shqiptarë në pjesën më të madhe është në mbijetesë. Në Shqipëri s'ka shtresë të mesme. Ne kemi bërë një zotim edhe përballë drejtuesve të Shoqatës së Pronave që ligji aktual i pronave do të anullohet.

Investimi i kësaj qeverie në Strazburg do të zerohet. Gjykata Kushtetuese që nuk funksionon, dhe fatkeqësisht nuk mund ta zgjidh këtë, por ne do të hartojmë një ligj të drejtë për pronarët. Këtu them për të gjithë pronarët se ne nuk do të jemi në gjendje të zgjidhim problemin e pronave brenda 4 viteve, sepse fatura financiare është tërësisht e papërballueshme.

Por unë ju premtoj rikthimin e plotë aty ku është i mundur, si dhe rikthimin e një fondi shqiptar të paktën sipas modelit të kroacisë në mënyrë që nga të ardhurat e shtetit shqiptarë pronarët të trajtohen, jo si bezdi apo si propagandë, por si një detyrim i pashlyer financiar dhe moral.

Duhet krijuar një shtresë e mesme që ka vetbesim, për të stabilizuar demokracinë. Si dhe institucionet përfaqësuese do të jenë të qytetarëve. Nuk do të ketë më, erdhi një parti i fshiu të gjithë, shkatërron pronën jetën… Kjo qeveri dhe ky kryeministër kanë dështuar. Çfarë nuk sjell dot për dy mandate nuk e sjell dot për tre. Dhe kjo më sjell pikërisht në atë çka kam thënë më herët dhe po e them prapë, kufizimi në dy mandate të Kryeministrit. Ky është zotmi im dhe unë do ta bëjë këtë ligj në Kushtetutë dhe në qoftë se parlamenti i ardhshëm nuk e pranon një propozim të tillë, unë do t’I drejtohem qytetarëve me referendum dhe një nga normat do të jetë kufizimi i pushtetit. Pushteti absolut është arsyeja pse kemi ardhur deri këtu.

Kjo do të kufizojë vetëm emrin e kryeministrit, jo forcën politike. Kjo sepse po e them sërish që jam i mendimit se çka nuk e arrin dot për 2 mandate nuk mund ta bësh dot në mandatin e tretë. Në mandatin e tretë maksimumi mund të vegjetoj ose do të jetë mandate korrupsioni.

Pra do të kthehet në ligj që një qytetarë i Republikës së Shqipërisë që mund të bëhet Kryeministri nuk mund të jetë në pushtet më shumë se dy mandate, pra të ketë një mandat të tretë.”

Ditari politik

Të fundit