Flash News

Shefi i hetimit të krimeve në komisariatin 2 thërret në raport komisionerët e PS

Në zgjedhje të tilla fitorja mund të jetë vetëm e Edi Ramës

Përfundon numërimi në Rrogozhinë, PS del forcë e parë

Arrestohet babai i kandidates së PSD në Fier, policia: Bleu vota për të bijën

Kanosje për një votë, nënkryetari i partisë nën hetim nga SPA

Bota

Trump mendon që Zelensky është gati të heqë dorë nga Krimea

Politiko 28 Prill 2025, 10:47

Trump mendon që Zelensky është gati të heqë dorë

Presidenti i SHBA-së, Donald Trump, ka thënë se mendon që Volodymyr është gati të heqë dorë nga Krimea, pavarësisht pohimeve të mëparshme të homologut të tij ukrainas për gadishullin e Detit të Zi që u aneksua nga Rusia në vitin 2014, siç shkruan "The Gurdian".

Duke folur me gazetarët në një aeroport në New Jersey të dielën, një ditë pas takimit me Zelenskyy në Vatikan, Trump tha "Oh, mendoj se po", në përgjigje të një pyetjeje nëse mendonte që Zelensky ishte gati të hiqte dorë nga territori.

Zelensky tha javën e kaluar se Ukraina nuk mund ta pranonte njohjen e SHBA-së për aneksimin e Krimesë nga Rusia, pasi Trump e akuzoi atë për kokëfortësi për këtë çështje. Zelenskyy të premten këmbënguli se territori ishte "pronë e popullit ukrainas". Ai nuk iu përgjigj menjëherë komenteve të fundit të Trump.

SHBA-të po propozojnë që Moska të mbajë territorin që ka pushtuar, përfshirë gadishullin strategjik të Krimesë.

Ministri gjerman i mbrojtjes, Boris Pistorius, tha të dielën se propozimi i SHBA-së që Ukraina t'i lëshojë territor Rusisë ishte "i ngjashëm me një kapitullim".

Në një intervistë me transmetuesin ARD, ai tha se Kievi e dinte që një marrëveshje paqeje mund të përfshijë lëshime territoriale.

“Por këto sigurisht që nuk do të shkojnë aq larg sa shkojnë në propozimin e fundit nga presidenti i SHBA-së”, tha Pistorius. “Ukraina vetë mund të kishte marrë një vit më parë atë që përfshihej në atë propozim të Trump, është i ngjashëm me një kapitullim. Nuk mund të dalloj ndonjë vlerë të shtuar”, tha ai.

Të fundit