Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Fe dhe amanet", Rama: Evropa nuk ka qenë e mirë në mbajtjen e premtimeve, Ballkani ofron tërheqje për aktorët e tretë

Politiko 11 Maj 2021, 12:00

"Fe dhe amanet", Rama: Evropa nuk ka qenë e mirë në

Kryeministri Edi Rama

Kryeministri Edi Rama ka dhënë një intervistë për emisionin “Global Conversation” në Euronews Europe. Ai ka folur për rrugëtimin e Shqipërisë në BE, rëndësinë që ka ky proces dhe për idenë e ndryshimit të kufijëve në Ballkan.

Rama ka thënë se çelja e negociatave nuk është e lehtë, por sipas tij, kjo duhej të ishte bërë disa vite më parë. Shkaku, sipas Ramës, që BE nuk i çeli negociatat me Shqipërinë ishin 'problemet' e brendshme në Këshillin Evropian.

“Është shumë e vështirë ta thuash, shumë e vështirë sepse këtë hap duhej ta ndërmerrnim disa vjet më parë dhe përsëri e përsëri. Por nuk ndodhi… për shkak të dinamikës së brendshme në Këshillin Evropian dhe… shpresojmë se ky do të jetë rasti. Po nuk është e lehtë”, tha Rama.

Ky i fundit shtoi se Evropa për Shqipërinë nuk është një objektiv apo destinacion politik, por një fe dhe amanet. Rama ka shprehur sërish pakënaqësitë ndaj BE-së, duke thënë se nuk ka qenë aq e mirë në mbajtjen e premtimeve.

“Ka gjithmonë po aq shumë domethënie sa kishte ditën e parë. Shqiptarët nuk lodhen kurrë së luftuari për të qenë pjesë e Evropës. Sigurisht, zhgënjimet kanë qenë vijuese dhe Evropa nuk ka qenë e mirë në mbajtjen e premtimeve të saj. Ne i kemi bërë detyrat e shtëpisë dhe do të vazhdojmë t’i bëjmë sepse, siç thashë, për ne Evropa është ajo që ka qenë që nga dita e parë, kur kemi dalë nga komunizmi dhe kjo është hera jonë e parë në histori që ne mund të zgjedhim. Asnjëherë nuk e kemi pasur mundësinë e zgjedhjes, të tjerët vendosnin për ne dhe vendi ynë ishte në hapësira të tjera, por jo në hapësirën që dëshironim gjithmonë e që është Europa, Bashkimi Europian”, u shpreh Rama.

I pyetur për zgjatjen e procesit të anëtarësimit për Ballkanin Perëndimor dhe për kthimin e tij në një 'fushë beteje' për fuqitë e jashtme, Rama tha: Duke mos qenë plotësisht i integruar në Bashkimin Evropian, Ballkani Perëndimor mbetet një zonë gri që i ofron tërheqje dhe shanse aktorëve të tjerë… aktorë të tretë që nuk kanë të njëjtën qasje beninje dhe të njëjtat vlera dhe parime që Bashkimi Evropian ofron.

Rama komentoi edhe dokumentin jozyrtar që ka qarkulluar në Bruksel, që mbron idenë e ri-përcaktimit të kufijve të Ballkanit Perëndimor. Lidhur me këtë ai ka theksuar sërish se Shengeni Rajonal mund të shërbejë për forcuar bashkëpunimin.

“Qëndrimi im është shumë i thjeshtë. Për sa kohë ne, dhe kur them ‘ne’ e kam fjalën për gjithë aktorët, lojtarët – Bashkimi Evropian, Shtetet e Bashkuara, lojtarët në rajon – nuk do të përmbysim status quo-në me një qasje shumë të hapur dhe të qartë, frustrimet do të jenë të pranishme dhe do të shfaqen nga idetë më qesharake deri te idetë më të çuditshme. Sepse status-quo-ja nuk është një opsion.

Po teksa kemi mosmarrëveshje të thella për të zgjidhur ne duhet të biem dakord që të mos biem dakord për to, po ama në të njëjtën kohë duhet të shtyjmë bashkarisht për të forcuar bashkëpunimin tonë, që të krijojmë në rajon një zonë Shengen funksionale me të gjitha liritë e Evropës", deklaroi kryeministri.