Nga porositë për zgjedhjet te ironitë për PD-në/ Rama sulmon Metën: Është 'grata' dhe 'non-grata'

Në mbledhjen që zhvilloi me grupin parlamentar të PS-së, kryeministri Edi Rama dha porositë e tij për zgjedhjet e pjesshme vendore të 6 marsit, sulmoi opozitën si dhe foli për zgjedhjen e presidentit të ri.

Sa i përket zgjedhjeve, Rama kërkoi angazhimin e deputetëve dhe të drejtuesëve të qarqeve. Ai iu tha vartësve të tij të përqëndrohen te problematikat që shqetësojnë qytetarët dhe të bëjnë sa më pak politikë gjatë fushatës.

Sipas Ramës, PS do të përqëndrohet te hallet, ndërsa opozita te mbijetesa e Lulzim Bashës dhe Sali Berishës, duke ironizuar pozicionin në të cilin gjenden aktualisht këta të fundit.

Deklarata e Ramës se “tre lider, njëri grada tjetri non grada, i treti të dyja bashkë” është marrë si paralajmërim se presidenti Ilir Meta mund të shpallet “non grata”.

“Ne do ta përmbushim detyrën tonë që në 6 njësitë vendore të zgjidhen kandidatët e PS. Për fushatë do të organizohemi sa më mirë, por pa lënë pas dore asnjë angazhim tjetër dhe pa e hequr fokusin nga këshillimi kombëtar. Forcat e angazhuara në këto 6 bashki do të jenë forcat vendore pra deputetët dhe drejtuesin politik të qarkut. Mesazhet tona do të jenë të lidhur me hallet dhe problemet e këtyre bashkive.

Ndërkohe sa më pak politik në këto zgjedhje aq më mirë, sepse politikisht panorama është e qartë. Nga njëra anë ne me ofertën tonë, nga ana tjetër kundërshtaret politik. Në 6 sheshe për 12 ose 18 përsheshe varet si do rreshtohen. Nga njëra anë ne, që do ofrojmë një punë konkrete nga ana tjetër ata që do luftojnë për mbijetesën politike të dy apo 3 udhëheqësve partiake këtu në Tiranë dhe që nuk kanë asnjë lidhje me këto zgjedhje.

Nga njëra ane ne, këta që kemi me të mirat dhe të metat tona, nga ana tjetër ata me bravat, varetë, trastat me dekoratat, të gjithë kundër të gjithëve për të provuar forcat në kurriz të atyre bashkive. Dy parti demokratike, njëra më e madhe se tjetra, dhe një tjetër parti më e madhe se  të dyja bashkë, ngjitur me të madhen e të treta, tre lider, njëri grata tjetri non grata, i treti të dyja bashkë”, tha Rama.

Ky i fundit foli për zgjedhjen e presidentit të ri. Kryeministri tha se procedura për zgjedhjen e tij do të nisë në muajin prill. Ai theksoi se situate në PD do ta vështirësojë punën për gjetjen e një gjuhe të përbashkët me opozitën.

Kreu i qeverisë sulmoi figurat që kanë mbajtur postin e presidentit, duke i akuzuar se mnuk e kanë ushtruar detyrën konform me ligjin. Ai tha se do të gjendet një emër, i cili do të t’i ktheje normalitetin njerëzor moral e institucional zyrës së Presidentit të Republikës.

“Në muajin prill na duhet të zgjedhim presidentin. Komplikimi i skajshëm i situatës me krijimin e dy PD na bën të vështirë të gjejmë adresën se ku ta kërkojmë dialgoun me opozitën parlamentare por ne ndërkohë duhet të mendojmë për mënyrën se si mund të këshillohemi me qytetarët edhe për këtë vendimmarrje.

Pas një serie personazhesh që e kanë degraduar figurën e presidentit ne nje prezence minuse per institucionin e kreut te shtetit, për të thënë më të paktën, ne kemi përgjegjësinë e madhe qytetare politike e kushtetuese që ti japim popullit shqiptar në krye të shtetit një njeri normal në radhë të parë.

Një kryetar ose kryetare shteti që t’i ktheje normalitetin njerëzor moral e institucional zyrës së Presidentit të Republikës. Nuk do bjerë nga qielli, me siguri do gjendet mes nesh këtu në territorin e Shqipërisë se mund të jetë edhe jashtë Republikës se Shqipërisë por e kemi detyrim ti japim asaj zyre mundësine që për 5 vitet e ardhshme të ketë një njeri normal”, deklaroi Rama.