Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

“Ëndrra e bërë realitet”, PD dokumentar nga themelimi i partisë deri në anëtarësimin e Shqipërisë në NATO

Politiko 1 Prill 2024, 13:24

“Ëndrra e bërë realitet”, PD dokumentar nga themelimi

Partia Demokratike ka realizuar një dokumentar që pasqyron rrugëtimin e Shqipërisë nga pranvera e vitit 1991, kur PD sapo ishte themeluar, deri në anëtarësimin në NATO më 1 prill 2009.

Dokumentari “Shqipëria në NATO-Ëndrra e bërë realitet”, zë fill me një deklaratë të kryetarit të PD, Sali Berishës, në fillim të vitit 1991 në një miting në Qytetin Studenti ku, për herë të pare, artikulohej vizioni i anëtarësimit të Shqipërisë në Aleancë.

18 vite më vonë ky vizion u përmbyll me shprehjen ‘this is a miracle of freedom’.

Nga fillimi i viteve 1990 deri në vitin 2009, Partia Demokratike udhëhoqi rrugën e Shqipërisë drejt anëtarësimit në organizatën Traktatit të Atlantikut të Veriut.

Më 1 prill të vitit 2009 në një vendim historik, Aleanca e Atlantikut të Veriut pranoi Shqipërinë si anëtare të saj me të drejta të plota.

Anëtarësimi i Shqipërisë në NATO, një vendi të izoluar nga diktatura, do të përbente një nga objektivat më madhore të Partisë Demokratike dhe qeverisë së saj.
Partia Demokratike ishte forca e parë politike në historinë e Europës post diktatoriale e cila që në krijimin e saj do të kërkonte anëtarësimin e vendit në NATO.

Qeveria e dalë nga zgjedhjet e 22 marsit të vitit 1992 do të vendoste menjeherë kontaktet dhe do firmoste nismën e Partneritetit për Paqe me Aleancën e Atlantikut të Veriut, e cila do të angazhohej me bashkëpunimin në NATO.
Në vitin 2005 qeveria e koalicionit të PD ndërmori me sukses të gjitha reformat e veprimit në rrafshin politik, ushtarak, ekonomik, financiar, social, luftën kunder krimit te organizuar dhe korrupsionit për anëtarësimin e vendit dhe me mbështetjen e madhe të Presidentit Bush dhe qeverise së SHBA.

Të fundit