“Do më vinte zor t’i thoja Berishës kriminel”; Rama “përplasje” për fjalorin me deputetët e opozitës, leksione morali Kujtim Gjuzit

Ish kryeministri Sali Berisha dhe kryeministri Edi Rama, gjate nje seance parlamentare, ku eshte debatuar ne lidhje me ceshtjen e CEZ. /r/n/r/nFormer Prime Minister Sali Berisha and Prime Minister Edi Rama, during a parliamentary session.

Kryeministri Rama ka bërë një replikë të fortë nga foltorja e parlamentit ditën e sotme me deputetët e opozitës parlamentare referuar akuzave ndaj tij apo përfaqësuesve të opozitës se “janë hajdutë apo kriminela”.

Në fjalimin e tij drejtuar deputetit Halit Valteri, Rama pohoi se pavarësisht bindjeve politike dhe akuzave të ndërsjellta mes palëve, kurrë si ka thënë ish-kryeministrit Sali Berisha: “Hajdut”, “kriminel”, duke shtuar se do t’i vinte zor nga vetja pasi në këtë mënyrë tregonte edukatën e tij familjare.

Po të drejtohem ty… Po ta ilustrojë ty atë çka dua të them. Të kam dëgjuar kur flet këtu, kthehesh këtej dhe thua: Vazhdoni e vidhni, ju jeni hajdut dhe do vazhdoni ta bëni deri sa populli etj etj..

Tani çfarë mendon një fëmijë kur të dëgjon ty… Tani ti sje vetëm, por je më i miri nga poshtë në kategorinë e këtyre…  që i thotë gjithë klasës se jeni hajdut dhe mësuesja vjen dhe të thotë ty “ore çuni jot i tha gjithë klasës ‘Ju jeni hajdutë’. Ça do i thoje! “Mirë ja bëre”, që i the si babi?! Apo: “Mos dëgjo babin sepse babi ashtu e ka punën. Kështu është një punë!”. Unë nuk mendoj se nëse dikush këtu më thotë mua “gomar” po bën ndonjë krim. Gomar është një opinion. Një opinion i shprehur në mënyrë të vrazhdë dhe mund të merret edhe si fyerje. Nuk është “ok”, por ska problem. Por në qoftë se, unë që jam përpjekur të jem gjithon i ashpër kur ka qenë nevoja do ti thoja Sali Berishës “Ti je hajdut. Ti je kriminel! Ti je vrasës!” do t’më vinte zor nga vetja. Nuk më kujtohet që të më ketë shpëtuar kurrë një gjë e tillë në mënyrë të drejtpërdrejtë sepse është kulmi i shkeljes mbi prindrit e mi mbi gjyshen time, mbi mësuesit e mi… Do të më vinte zor nga vetja sepse është kulmi kur ti aty nuk ke as argumenta, nuk ke më as gjuhë për të rrotulluar për t’i bërë tjetrit një akuzë penale, pasi duhet ta provosh këtë. E gjitha kjo ndodh këtu, imagjinoni tani si shkon dallgë dallgë deri poshtë”, shprehet Rama.

Ndërkaq i ndërprerë nga deputeti Kujtim Gjuzi, i cili shprehet se ata kanë të drejtë pasi ata janë hajdutë e kriminela, Rama ironizoi formimin e tij, duke vijuar më tej ti jepte leksione morali.

Por këtu ka gjithë këto gra, vajza, zonja.. Dhe për fjalën zonjë zotrote, kujtohu kur vjen këtu, kur vjen këtu dhe e lëshon gjuhën pa asnjë fre, duke i nxjerr të gjithë kuajt e mbretërisë përpara dhe duke i nxitur nga mbrapa.. sepse kur vjen këtu dhe përdor atë fjalor dhe duke ndritur dhe ulur të gjithë njerëzit duke i quajtur kriminela, ti nuk je aleati i asaj vajzës. Dhe kur të them ty ua them të gjithve. Kur i bëjmë këto duhet të mendojmë dhe nëse e shikojmë fjalorin vulgar me 32 fjalë, çorbën e gjuhës që përdoret në politikën dhe median shqiptare, i bëjmë pyetjen vetes.. “ky fjalor me kë shkon? Me gocën apo atë monstrën?”. Jo nuk shkon ky fjalor me atë gocën, por me monstrën.

Fjalët dalin nga gjuha dhe gjuha kocka ska por kocka thyen”, ka thënë Rama.