Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Dosja e vrasjes së vëllezërve Haxhia, në SPAK; Klodiana Lala: Në kërkim Talo Çela, grupi kriminal po eleminonte anëtarët një nga një

Politiko 3 Korrik 2020, 16:33
Dosja e vrasjes së vëllezërve Haxhia, në SPAK; Klodiana

Dosja e vrasjes së vëllezërve Haxhia në Durrës i ka shkuar SPAK-ut. Kështu raporton gazetarja Klodiana Lala referuar atentatit në Durrës që përfundoi me vrasjen e dy vëllezërve Haxhia. E ftuar në “Opinion”, Lala shprehet se policia ka shpallur në kërkim Talo Çelën, i pandehur edhe për grabitjen e Rinasit në 2019, paratë e të cilës dyshohet të kenë sjellë vrasjet e njëpasnjëshme në Durrës.

Sipas Lalës, grupi kriminal në Durrës, i cili operonte edhe në Shkodër e Elbasan, po hiqte qafe një nga një anëtarët për të fshirë gjurmët, pas përplasjeve të shumta mes tyre dhe prishjes së pazareve.

”Karantina i vlejti Policisë për të prangosur një sërë personash kriminalë. Orges Bilbili, vëllezërit Çela të grupit kriminal në Durrës. Me hapjen e masave, ngjarja më e rëndë ishte vrasja e Viktor dhe Besmir Haxhia në Durrës. Ishte atentat mafioz. Pistat ishin të shumta. Klevis Salla ishte ai që bashkëpunoi me drejtësinë. Ishte një automjet që zbardhi gjithë linjën e hetimit.

Sipas Prokurorisë, Talo Çela është organizator dhe atentator i vrasjes së vëllezërve Haxhia. Sipas tyre, Haxhiajt e dinin ku fshiheshin lekët e grabitjes së Rinasit. Po ashtu edhe Nuredin Dumani. Si dhe Altin Doci që kishte lidhje shoqërore me viktimat.

Talo Çela kryesonte listën e të shumëkërkuarve. Janë dhe të tjera detaje, pasi bëhet fjalë për një numër të madh krimesh që janë bërë nga i njëjti grup. Për vrasjen e 2 marsit. Janë marrë nga Prokuroria e Durrësit, edhe për 3 vrasje në Elbasan në 2019, nga mesi deri në dhjetor, që besohet të jenë kryer nga i njëjti grup. Ky grup vepronte në Shkodër, Durrës dhe Elbasan. Dosja ndodhet në SPAK, është transferuar, ku do të ketë zgjerim të rrethit të të hetuarve.

Prokuroria ka dyshime që brenda grupit kriminal, po eleminonte një nga një anëtarët që mos linin gjurmë pas. Pasi të vrarët kanë qenë pjeë e grupit kriminal, dhe për shkak të përplasjeve, po vriteshin.

U zgjodh i njëjti vend atentati, si mesazh për anëtarët e tjerë. Është grup i strukturuar kriminal, me profil të lartë rrezikshmërie shoqërore, që kanë kryer atentate. Krim i organizuar që ka shkaktuar shumë viktima, por kanë sulmuar marrëdhënie që kanë prishur marrëdhëniet”, tha Lala.

Të fundit