Dramë italiane, 969 viktima në 24 orë nga koronavirusi

Të premten e 27 marsit Italia shënoi rekord viktimash pasi të paktën 969 viktima janë refgjistruar në 24 orë për shkak të koronavirusit. Ndërkohë numri i personave të infektuar ka shkuar në 86 498 persona në total.

Megjithatë, aktualisht rezultojnë pozitivë me koronavirus 66 414 persona. Numri i të shëruarve ka shkuar gjithashtu në 10 950 persona. Rajoni i Lombardisë mbetet më i prekuri me 5402 viktima, ndërsa në total ka 37 298 persona të infektuar.

Aktualisht, në strukturat spitalore italiane janë duke u mjekuar  26 029 persona, ky 3732 prej tyre ndodhen në kujdes intensive. Një numër i madh të infektuarish, 36 653 personash, janë duke u trajtuar në shtëpitë e tyre. Kjo është dita me numrin më të madh të viktimave në Itali për shkak të koronavirusit, që prej fillimit të pandemisë. Ndërkohë ka një rënie të lehtë të personave të infektuar.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm