Flash News

I jepet lamtumira e fundit Gjovalin Prendit, ceremonia mortore nën masa të rrepta sigurie

Video/ Berisha niset drejt Dibrës, mbështetësit e presin me padurim në mes të rrugës

Gjirokastër/ Shfrytëzonin për pro*titucion një 26-vjeçare, arrestohen 2 tutorët

Abuzim në Doganën e Kapshticës, procedohen penalisht 6 zyrtarë

Aksident në Kërçovë-Gostivar, 3 të vdekur, 8 të plagosur

E-TJERA

33-vjeçari shqiptar humb jetën në paraburgimin grek

Politiko 18 Prill 2025, 18:33

33-vjeçari shqiptar humb jetën në paraburgimin grek

Një ngjarje e rëndë ka ndodhur mëngjesin e sotëm në ambientet e paraburgimit të Drejtorisë së Policisë në Hania të Greqisë, ku një i ri shqiptar është gjetur i vdekur nga autoritetet vendase.

Sipas njoftimit zyrtar të policisë greke, “në ambientet e paraburgimit u konstatua një i burgosur i huaj pa ndjenja në dysheme”. Menjëherë, punonjësit e policisë i ofruan ndihmën e parë, ndërsa u njoftua dhe shërbimi i urgjencës EKAB. Fatkeqësisht, pavarësisht përpjekjeve për ta rikthyer në jetë, 33-vjeçari ndërroi jetë në vend.

Mediat greke raportojnë se viktima është një shtetas shqiptar, 33 vjeç, i cili ishte arrestuar dy ditë më parë, më 15 prill, për shkelje të ligjit për lëndët narkotike. Ai ndodhej në qelitë e paraburgimit në pritje të procedurave për dëbim administrativ nga Greqia.

Autoritetet greke kanë nisur hetimet për zbardhjen e shkaqeve të vdekjes, ndërsa pritet ekspertiza mjeko-ligjore për të përcaktuar nëse kemi të bëjmë me ndonjë problem shëndetësor, mbidozë apo rrethana të tjera.

Ngjarja ka sjellë shqetësim edhe në opinionin publik, ndërsa autoritetet e policisë në Hania pritet të publikojnë të dhëna të tjera në ditët në vijim.

Të fundit