Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

E-TJERA

“Kush krijon parti të re është delirant, ose i blerë nga Rama”, Patozi kundër Lubonjës për lëvizjen e Topallit:Të paktën nuk është bandë, Fatos

Politiko 27 Tetor 2020, 20:13
“Kush krijon parti të re është delirant, ose i blerë

 

Koordinatori i Bindjes Demokratike, Astrit Patozi ka kritikuar qëndrimin e analistit Fatos Lubonja, i cili deklaroi se kush krijon parti të re para zgjedhjeve ose është delirant, ose i blerë nga Rama, teksa iu referua lëvizjes së re të paralajmëruar nga Jozefina Topalli.

Në një reagim në rrjetet sociale, Patozi i kujton analistit se është autori i thënies së famshme se Shqipëria qeveriset nga tri banda.
Sakaq, Patozi i kujton Lubonjës se e vetmja gjë që mund të thuhet me siguri është se kjo parti e re nuk mund të quhet bandë.
Reagimi i plotë:

TË PAKTËN NUK ËSHTË BANDË, FATOS...

Eh mor Fatos, e paske harruar fare sot që je autori i thënies së famshme se Shqipëria qeveriset nga tri banda.
Dhe qenke shqetësuar për lindjen e një partie të re, megjithëse ajo ende nuk ka dalë nga mitra.
Ne nuk e dimë çfarë do të bëhet ajo nesër dhe më tej, por e vetmja gjë që mund të thuhet sot me siguri është fakti se ajo nuk mund të quhet bandë.
Sepse duhen prova, madje dhe krime të rëndësishme që ta meritosh këtë titull, apo jo Fatos?
Por ti qenke mërzitur paradhënie edhe për lajmin e ardhjes në jetë të një force të re politike, njësoj siç kanë bërë disa apo ndoshta të gjitha bandat, që sipas teje komandojnë prej vitesh Shqipërinë.
Që do të thotë se ti nuk paske hallin që të shpëtojmë prej bandave, por thjesht je duke bërë tifozllëk të fortë për njërën apo për disa prej tyre.

Të fundit