Flash News

Aksident në Përrenjas, një i plagosur

Tiranë/ Humb jetën në sallën e operacionit një i burgosur

Aksident në Lushnjë-Fier, kamioni përplas furgonin

Homazhe në nder të Afrim Bunjakut, ndizen qirinj te sheshi “Nënë Tereza”

Shembulli amerikan i 'McGonigalit' dhe heshtja shqiptare e SPAK

E-TJERA

Ofronte para për votat në 14 maj, arrestohet me urdhër të SPAK Klodian Kapedani

Politiko 9 Qershor 2023, 22:09

Ofronte para për votat në 14 maj, arrestohet me urdhër të

Arrestohet me urdhër të SPAK një person në Kavajë, pasi akuzohet se u premtonte para qytetarëve që të merrnin pjesë në votime, në zgjedhjet e 14 majit.

Sipas njoftimit të SPAK, në pranga ra Klodian Kapedani dhe ndaj tij është vendosur masa e sigurimit “Arresti në burg”.

Prokuroria e Posaçme kundër Korrupsionit dhe Krimit të Organizuar ka zhvilluar hetime në lidhje me proçedimin penal nr.88 viti 2023 që bën fjalë për veprën penale “Korrupsioni aktiv në zgjedhje”, të parashikuar nga neni 328 i Kodit Penal.

Nga veprimet hetimore të kryera në lidhje me këtë proçedim penal, janë krijuar dyshime se shtetasi Klodian Kapedani, me banim në Kavajë, në datën 14.05.2023, datë në të cilën janë zhvilluar zgjedhjet e përgjithshme vendore për zgjedhjen e organeve të qeverisjes vendore, iu ka premtuar dhe iu ka ofruar personave të tjerë shuma monetare me qëllim për të marrë pjesë në votime, për të siguruar pjesëmarrjen edhe të personave të tjerë në votime, si dhe për të përcaktuar mënyrën e votimit.

Në kuadër të hetimeve paraprake të këtij proçedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin me nr.58, datë 09.06.2023 të Gjykatës Posaçme e Shkallës së Parë për Korrupsionin dhe Krimin e Organizuar Tiranë, është vendosur:

– Caktimi i masës së sigurimit “Arresti në burg” të parashikuar nga neni 238 i Kodit të Procedurës Penale për personin nën hetim K.K, i dyshuar për kryerjen e veprës penale “Korrupsioni aktiv në zgjedhje”, të parashikuar nga neni 328 i Kodit Penal.

Të fundit