Flash News

Pas rekordit Itali-Karaburun, Eva Buzo përshkon me not ishullin e Sazanit

Makina përplas për vdekje një person në aksin Fier-Vlorë

Gardisti dhunon protestueses gjatë takimit të Ramës /VIDEO

Protestë kundër Ramës edhe në Berlin

Siguri e shtuar për vizitën e Ramës në Vlorë

E-TJERA

Tonin Uldedaj lë PD për ‘Bindjen’ e Patozit: Një mundësi zgjedhjeje më shumë për Shkodrën

Politiko 24 Shkurt 2021, 14:17

Tonin Uldedaj lë PD për ‘Bindjen’ e Patozit: Një

Tonin Uldedaj është mandatuar ditën e sotme si koordinator i Bindjes Demokratike në qarqet Shkodër dhe Lezhë për zgjedhjet e 25 prillit. Ai u emërua në mënyrë unanime nga gjithë Bordi Drejtues i BD.

Uldedaj nuk është një emër i panjohur për botën e politikës, pasi më parë ka qenë administratori i njësisë Shëngjin në Bashkinë e Lezhës, dhe është vëllai i Gjok Uldedajt, ish-deputet i PD në Shkoder.

Më herët, ai gjithashtu ka ushtruar detyrën e nënkryetarit të këshillit bashkiak të Lezhës, si dhe ka qenë për 8 vjet me radhë kryetar i bordit të ujësjellës kanalizimeve në atë qytet. Po kështu ai ka qenë për 6 vjet nënkryetar, 4 vjet sekretar, dhe mbi 12 vjet anëtar kryesie i degës së Partisë Demokratike të Lezhës.

Pas takimit me bordin drejtues të BD, Uldedaj dha një prononcim të shkurtër, ku u shpreh se:

“Dua të falënderoj kryetarin e partisë Bindja Demokratike, zotin Patozi, për mundësinë dhe besimin njëkohësisht, që të përfaqësojmë një parti të djathtë në dy qarqe kryesore të vendit. Në fakt, janë dy qarqe që njihen si bastione të demokracisë në Shqipëri, Shkodra dhe Lezha. Unë i them kryetarit që këtë besim do ta përkthejmë në mandat, edhe për këtë jam mëse i sigurt. Këtë e bazoj te pjesa që kemi më tepër se 15 vite që kontribuojmë dhe i njohim mirë ato zona, sepse ne kemi investuar atje. Mendimi im është që në demokraci njerëzit të kenë mundësi të zgjedhin, pra demokratëve dhe të djathtëve në këto zona ne do t'u japim një mundësi tjetër për të zgjedhur dhe kjo besoj se është demokracia e vërtetë”, ka thënë ai.

Uldedaj vjen nga një familje e madhe, me ndikim e lidhje të shumta politike në qarqet e Lezhës dhe Shkodrës.

Të fundit