Flash News

"Shkërrmoqet" pasuria e Ballukut, SPAK i sekuestron vilën në Dhërmi. I rëndohet pozita penale

Efektivi u vra gjatë aksionit, policia e Korçës nuk vlerësoi rrezikshmërinë e autorit, vetëm 6 policë në terren

Makina përfundon në kanal, banorët shpëtojnë babë e bir

Ku fillon drejtësia?/ Mes fjalimeve të Gogut dhe plumbave në terren, kush e mbron policin?

Pëllumb Gjoka flet për akuzat në dosjen “Metamorfoza”: Më kanë bërë gjyq publik, s'kam lidhje me vrasjen e Gjin Ndojit

E-TJERA

Dalin detaje nga e shkuara e autorit të ngjarjes në Lozhan, kryeplaku: Ishte person problematik në zonë

Politiko 4 Qershor 2026, 14:16

Dalin detaje nga e shkuara e autorit të ngjarjes në Lozhan, kryeplaku:

Detaje të reja kanë dalë në dritë nga dosja hetimore e Violand Braçellarit, 43-vjeçarit të përfshirë në ngjarjen tragjike të Lozhanit të Maliqit, ku mbeti i vrarë efektivi Enea Mekolli.

Dokumentet e hetimit të vitit 2015 tregojnë se Braçellari ishte një person i njohur për autoritetet dhe banorët e zonës. Në dëshminë e tij para prokurorisë, kryeplaku i fshatit Lozhan, Sabri Braçellari, ka deklaruar se marrëdhëniet me familjen e të dyshuarit nuk kanë qenë të mira dhe se ata banonin në një prej shtëpive të braktisura të zonës.

Sipas dëshmisë, familja e Braçellarit ishte rikthyer në fshat pas një periudhe qëndrimi në Vlorë, ndërsa banorët e lagjes shfrytëzonin shpesh banesat e lëna bosh nga familjet që ishin larguar drejt qyteteve.

Kryeplaku kujton gjithashtu një operacion policor të zhvilluar në shtator të vitit 2015, kur forcat e policisë kryen kontrolle të shumta në zonë në kuadër të një hetimi për lëndë narkotike. Ai ka treguar se ishte thirrur nga inspektori i zonës për t’u treguar efektivëve banesat ku do të kryheshin kontrollet, ndërsa operacioni zgjati deri në orët e para të mëngjesit.

“Unë banoj në Lozhan, i pandehuri banon në Vlorë. Prindërit e tij prej rreth një viti e gjysmë janë kthyer në Lozhan. Ata po banojnë te shtëpia e Eduart Braçellarit, që është djali i Mit’hatit. Banesa e Mit’hatit është 50-70 m larg banesës së Shefqet Braçellarit. Babai i të pandehurit është invalid, e shoqja i shërben. Më parë mbanin bagëti, kishin një çoban të punësuar.

Unë nuk kam patur marrëdhënie të mira me ta. Shtëpitë në atë lagje janë të braktisura dhe kush t’i dojë i shfrytëzon. Në shtator 2015 nuk e kujtoj nëse ka qenë në fshat Violandi. Në muajin shtator 2015, gjatë asaj periudhe, e kam parë shumë rrallë Violandin.

Ditën që erdhi policia, më ka telefonuar inspektori i zonës dhe më kërkoi t’i tregoja shtëpinë e Luan Braçellarit, ku policia qëndroi deri rreth orës 03:00. Isha unë dhe 5-6 policë. I ati ishte brenda, pasi është invalid. Policia kontrolloi në disa banesa. Shefi i antidrogës solli ca mbetje të lëndës narkotike; ishte vetë kur i kontrolloi. Është mbajtur edhe procesverbal, ku unë kam firmosur.

Nuk di të jetë gjetur ndonjë send ngrohës te banesa e Mit’hatit, ku rrinë prindërit e të pandehurit. Shefi i antidrogës, Besnik Qevani, ka kontrolluar 4-5 banesa vetëm në prani të policëve. Unë nuk isha prezent, as babai i të pandehurit. Shefi erdhi aty dhe tha: “Unë gjeta këtë në shtëpinë e Shefqet Braçellarit” (pak mbetje hashashi). Kontrolli u bë 3 ditë rresht. I pandehuri atë ditë nuk ishte në fshat”, shprehej kryeplaku.

Të fundit