Flash News

Rikthehen reshjet e shiut, ulen temperaturat, si parashikohet moti sot

Sherr me sende të forta në një rezidencë në Lundër, dyshohet për një të plagosur

Funerali i Papa Françeskut, 4,000 policë do të mbikëqyrin sigurinë nesër në Vatikan

Video/ Minatori i zhgënjyer djeg teserën e PS

Aksident në “Plepat e Kardhiqit”, gjermani përplas këmbësoren në Gjirokastër

E-TJERA

Vrasja e Egli Progës/ Sula: KLP e ILD të lënë pushimet dhe të hetojnë rastin

Politiko 14 Gusht 2024, 09:00

Vrasja e Egli Progës/ Sula: KLP e ILD të lënë pushimet dhe

Deputeti i PD-së, Dashnor Sula ka reaguar në lidhje me vrasjen e 42-vjeçarit Egli Proga nga Denis Meçe në Pogradec, si dhe për vendimin e drejtësisë.

Në një postim në rrjetet sociale, Sula shkruan se drejtësia e vonuar është drejtësi e mohuar, teksa sipas tij, këto që ndodhin në Shqipëri nuk mund të kenë emër tjetër veçse skandal, që meriton vëmendjen e të gjitha institucioneve shtetërore ku gjithësecili të nxjerrë përgjegjësit dhe t’i vendos para drejtësisë.

Ai i bën thirrje institucioneve që të mos e vrasin për herë të dytë babain e dy fëmijëve, teksa sipas tij, KLP-ja dhe ILD-ja duhet të lënë pushimet dhe të hetojnë rastin.

Reagimi i plotë:

 “Drejtësia e vonuar është drejtësi e mohuar!

Po lexoj në media se akuza e ngritur ndaj autorit qe i shkaktoi vdekjen 42-vjeçarit ne Pogradec është “Vrasje nga pakujdesia”, në një kohë që informacionet dhe dëshmitë e para janë: 42-vjeçari u dhunua barbarisht nga autori.

Nëse këto raportime janë të vërteta atëherë ky është një skandal. Mbi autorin duhet të rëndojnë më së paku akuzat: Shtrëngim për marrje pasurie dhe Plagosje e rëndë me dashje me pasojë vdekjen. Drejtësia e vonuar është drejtësi e mohuar, ndërsa këto që ndodhin në Shqipëri nuk mund të kenë emër tjetër veçse SKANDAL, që meriton vëmendjen e të gjitha institucioneve shtetërore ku gjithësecili të nxjerrë pergjegjësit dhe t’i vendos para drejtësisë.

 

I ndjeri 42-veçari Eglantin Proga ishte një familjar i rregullt, i cili për të mbajtur familjen e tij bënte dy pune. Por ja që të fortët me imunitet i’a morën jetën. Institucionet dështuan të parandalonin ngjarjen dhe të jepnin ndihmën e shpejtë. Tani më e pakta është që institucionet të mos i “vrasin” për herë të dytë. I bëj thirrje KLP, ILD që të lënë pushimet e të hetojnë rastin. Autori duhet të marrë ndëshkimin sipas ligjeve ne fuqi”, shkruan Sula.

Të fundit