Enrique Iglesias humb njeriun e afërt nga koronavirusi

Këngëtari i njohur Enrique Iglesias në një njoftim që ka bërë në rrjetet sociale, ka treguar se ka humbur njerkun e tij, Carlos Falco, për shkak të koronavirusit.

Biznesmeni i njohur spanjoll ndërroi jetë në moshën 83-vjeçare në një spital në Madrid duke mos ia dalë të mposhtë virusin e rëndë. Koronavirusi i shkaktoi pneumoni të rëndë dhe për shkak të moshës së thyer ai e ka pasur të vështirë të mbijetojë.

“Po kalojmë kohë të vështira nga kjo emergjencë që ka njerëz, shumë persona, përfshirë edhe familjen time. Është koha të qëndroni në shtëpi dhe të jeni të vetëdijshëm për të dashurit tuaj. Ju dërgoj një përqafim shumë të madh dhe shpresoj t’ju shoh shumë shpejt. Kurajo!-shkruan këngëtari.