Foto/ Arabia Saudite shpall ndërtimin e qytetit prej 500 miliardë dollarësh

Arabia Saudite është eksportuesi më i madh i naftës në botë, por rënia e çmimeve e ka vështirësuar pagesën e punëtorëve të sektorit.

Tani, qeveria saudite ka shpallur një projekt që mund t’i jepte një shtysë të madhe ekonomisë së vendit: një mega-qytet prej 500 miliardë dollarësh, që do të lidhë Jordaninë me Egjiptin, i furnizuar tërësisht me energji të rinovueshme.

Princi saudit Mohammed bin Salman e ka shpallur së fundmi projektin, të quajtur NEOM, me rastin e Future Investment Initiative në Riad.

Sipas Reuters, ai do të financohet nga qeveria dhe nga investitorë privatë.