Haradinaj paralamëron mbështetësit e tij: Rrini të qetë, nesër mund të mos jepet vendimi për lirimin tim

Kreu i AAK-së, Ramush Haradinaj do të përballet nesër për të tretën herë me gjykatën franceze, nga ku pritet vendimi për lirimin e tij.

Por, vetë Haradinaj ka paralajmëruar sot mbështetësit e tij që të jenë të qetë pasi mund të mos jepet vendimi për lirimin e tij.

“Nesër për të tretën herë në gjykatën franceze. Mbështetësit e mi të jenë të qetë. Nesër mund të mos jepet vendimi për lirimin tim” tha Haradinaj.

Ramush Haradinaj u ndalua në aeroportin e Bazelit nga autoritetet franceze disa muaj më parë mbi bazën e një urdhërarresti ndërkombëtar të lëshuar nga autoritetet serbe për ekstradimin e tij për shkak të “krimeve të kryera gjatë luftës në Kosovë”.