Juventusi do një yll të ri, por problemi quhet Cristiano Ronaldo

Juventusi është gjithnjë një hap përpara të tjerëve. Të paktën, në Itali. Klubi bardhezi po mendon transferimin e një ylli të nivelit botëror si Neymar, Mbappe, Joao Felix, Jadon Sancho apo Salah. Arsyeja është marketingu, sepse emra të tillë tërheqin brezat e ardhshëm.

Thënë ndryshe, në Torino po kërkojnë për një Cristiano Ronaldo të dytë, por problemi është se ky i pari nuk largohet lehtë. Portugezi aktualisht paguhet 31 milionë euro në sezon dhe asnjë investim i madh nuk bëhet pa largimin e tij.

Fillimisht Juventusi pret një Champions prej tij, sepse kontrata e CR7 skadon në vitin 2022. Bilanci total i tij me Juventusin është 83 mln euro. Me pak fjalë, transferimi i radhës i madh do të ndodhë pas 2-3 sezonesh.