Kosovë/ Kandidati për kryeministër serb: Ju tregoj përse Vuçiç e ka frikë Kurtin

Ish kandidati për kryeministër në Kosovë nga koalicioni “Sloboda”, Nenad Rashiç deklaroi se presidenti i Serbisë, Aleksandar Vuçiç e ka frikë Albin Kurtin sepse nuk do ta ketë të lehtë me të, siç e kishte me presidentin Hashim Thaçi dhe ish-kryeministrin Ramush Haradinaj.

“Vuçiqi frikësohet se nuk ka me i shku mirë me Albinin, siç i ka shku me presidentin Thaçin dhe ish-kryeministrin Haradinaj”, tha politikani serb i Kosovës.

Dhe kjo sepse lideri i Vetëvendosjes nuk është naiv dhe nuk i ka borxh askujt.

Gjithashtu ai akuzoi Beogradin zyrtar për manipulimin e zgjedhjeve të parakohshme parlamentare të 6 tetorit në Kosovë.

“Në Nish grumbullohen votat e serbëve, dhe bëhen fletëvotime false”.