David Cameron largohet me urgjencë nga Tirana, pse e ndërpreu vizitën në Shqipëri

Sekretarit të Jashtëm britanik, David Cameron ka ndërprerë udhëtimin e tij në Shqipëri për të marrë pjesë në mbledhjen e kabinetit.

Sekretari i Jashtëm, i cili ishte në Tiranë për të diskutuar politikën e imigracionit, u thirr urgjentisht në Britani që të mund të merrte pjesë në takimin e Downing Street rreth orës 16:00, raporton media britanike. 

Rishi Sunak refuzoi të përjashtonte thirrjen e zgjedhjeve të përgjithshme të parakohshme, nga thashethemet që u përhapën me shpejtësi në Westminster se Kryeministri mund të thërriste një votim në vetëm disa orë.

I pyetur nëse ai do të thërrasë zgjedhje të parakohshme nga lideri i SNP Westminster, Stephen Flynn në PMQs, Sunak tha: "Siç ia kam thënë vazhdimisht atij,  do të ketë zgjedhje të përgjithshme në gjysmën e dytë të këtij viti.

Gjysma e dytë e këtij viti teknikisht fillon pas rreth një muaji, ndërsa zgjedhjet e parakohshme mund të mbahen brenda gjashtë javësh.

Cameron në Tiranë

Cameron gjatë gjithë fjalës së tij është fokusuar vetëm në dy pika kryesore, që tregojnë hapur dhe arsyen e vizitës në Shqipëri. Fillimisht Cameron u fokusua te emigracioni i paligjshëm, duke e konsideruar këtë një problem shumë të madh, që duhej dhënë një zgjidhje. 

“Sa i takon emigracionit ka qenë një partneritet i arrirë dhe shpresoj të jetë shembull për të tjerët. Sepse në të gjithë Evropën problemi i emigracionit të parregullt është një problem që haset. I kam thënë edhe ministrave të tjerë të jashtëm që është një problem që duhet ta përballoni ju”, tha Cameron.

Një tjetër fokus që Cameron i dha vizitës në Shqipëri është dhe lufta kundër krimit të organizuar në Shqipëri. Ai deklaroi se Anglia është shumë e përfshirë në këtë problem që haset në Shqipëri.

"Ajo që dua të them unë dhe në emër të kryeministrit se kjo ka qene një periudhë e sukseseshme sepse Shqipëria është partnerja jonë besnike. Një partneritet që ne kemi krijuar është dhe për luftën kundër krimit të organizuar," tha Cameron.