Marjana Kondi përlotet në emision: Bota është më e bukur me prindërit

Aktorja e njohur shqiptare, Marjana Kondi, së fundmi ka qenë e ftuar në emisionin “Në kurthin e Piter Pan”, ku ju ka treguar fëmijëve se sa bukur është të rritesh me prindërit.

Ajo është emocionuar aq shumë saqë nuk i ka mbajtur dot as lotët.

“Unë kam qenë pesë vjeç kur babi nuk ka qenë më me mua, se babi im ka qenë pilot. Jeta shkoi dhe kur unë isha 49-50 vjeç portreti i tij ishte siç e kisha lënë unë kur isha 3 vjeç”, tregoi aktorja për të atin.

Ndërkohë kur njëri nga fëmijë e pyeti për nënën e saj e cila nuk jeton më, Marjana ka shpërthyer në lot dhe e emocionuar është shprehur se, “bota është e bukur shumë me mamatë dhe baballarët”.